Конькимен жүгіру бойынша Қазақстан құрамасынан Надежда Морозова америкалық Мия Килбургпен бірге жұп болып мұз айдынына шықты. Ол әйелдер арасында 3000 метр қашықтықты 4:04.97 уақытта еңсерді. Алдыңғы екі жүгіру кезінде көрсеткен жақсы көрсеткіштеріне қарамастан Надежда жүлделі орынға жете алмады. Оның алдын 4:01.77 уақытымен жапониялық спортшы Такаги Михо орап кетті.
Осылайша, отандасымыз жарысқа шыққан 30 спортшы ішінде 13-ші орынға тұрақтады.
Бірақ, бұған қарамастан Надежда Қазақстанның рекордын жаңарта алды. Бұған дейін Людмила Прокашева бұл қашықтықты 4:05.01 уақытта жүгіріп шыққан болатын.
