Биыл елімізде 100 мыңнан аса түлек ҰБТ тапсырады

Биыл Қазақстанда 100 мыңнан аса түлек Ұлттық бірыңғай тестілеуден өтеді. Бұл туралы «Қазақстан» телеарнасы хабарлады. Ресми дерекке жүгінсек, бұл сынақ 154 пунктте өткізіледі және ол бойынша арнайы комиссия құрылады. «ҰБТ-да қолданылатын емтихан материалдары жасақталуда. Ұлттық бірыңғай тестілеу пункттерінде 10 наурыздан бастап 25 сәуірге дейін түлектерден өтініштер қабылданады», - делінген Білім және ғылым министрлігінің хабарламасында. Биыл 134 648 оқушы мектеп бітіреді. Шамамен 107 000 түлек ҰБТ-ға қатысатын көрінеді. Бір ескере кететін жағдай, ҰБТ форматына айтарлықтай өзгеріс енгізілмейді. Жалпы, қазір еліміз аймақтарында осы сынақ жөнінде түсіндіру жұмыстары жүргізілуде. Әмірхан Алмағанбетов. Дереккөз: «Қазақстан» телеарнасы. Фото: Schoolkz.ru.