Ақтөбеде 15 жасар қызды айуандықпен өлтірген айыпкер сотталды

Ақтөбе облысында 15 жасар қызды айуандықпен өлтірген Сергей Наумцев өмір бойына бас бостандығынан айырылды. Бұл туралы «КТК» телеарнасы хабарлады. Сергейдің сыбайласы Виктория Савич те сотталды. Естеріңізде болса, өткен жылдың қазан айында Ақтөбе қаласындағы көпқабатты үйдің жанынан дорбаға салынған оқушы қыздың мәйіті табылды. Тергеу барысында В. Савичтің сүйіктісіне пәк қыз іздеп, оны арбауына түсіргені мәлім болды. Ол мектеп оқушысымен әлеуметтік желі арқылы танысып, бейкүнә қыз баланы жалдамалы пәтеріне алдап шақырады. Ал Викторияның сүйіктісі С. Наумцев сол түні оқушы қызды зорлап болғаннан кейін оны буындырып өлтірген. Алқа билердің қатысуымен өткен сот отырысында айыпкерлер С. Наумцев Қылмыстық кодекстің 257,96,120 баптары бойынша, ал В. Савич Қылмыстық кодекстің 28,120,96 баптарына сәйкес сотталған болатын. Олар бұл үкіммен келіспейтіндерін айтып, сотқа шағымданған еді. Істі қайта қарау барысында С. Наумцевтің жазасы өзгеріссіз қалдырылып, В. Савич 23 жылға сотталды. Әмірхан Алмағанбетов. Дереккөз: «КТК». Фото: www.sg.com.ua.