Бүгін республикамыздың кейбір аймақтарында тұман болуы мүмкін

Бүгін, 25 наурыз күні еліміздің жекелеген аймақтарына тұман түсіп, көктайғақ болуы ықтимал. Бұл туралы «Қазгидромет» кәсіпорны хабарлады. «Атмосфералық өзгерістерге байланысты шығыста және оңтүстік пен қиыр солтүстікте ауа райы құбылмалы болады. Сондай-ақ, кей өңірлерде жауын-шашын болып, жел күшейеді және тұман түсіп, көктайғақ болады»,-делінген хабарламада. Аталмыш кәсіпорынның мәліметінше, бүгін таңертең Шығыс Қазақстан, Жамбыл, Оңтүстік Қазақстан, Ақмола, Маңғыстау, Солтүстік Қазақстан, Қостанай, Батыс Қазақстан мен Қарағанды облыстарына тұман түскен. Осы өңірлерде күндіз желдің екпіні секундына 15-20 метрге дейін жеткен көрінеді. Синоптиктер жоғарыда атап өтілген өңір тұрғындарына сақтық шараларына мұқият болу қажеттігін ескертеді. Әмірхан Алмағанбетов. Дереккөз: «Қазгидромет». Фото: Total.kz.