Сайтқа ЭЦҚ көмегімен кірген жағдайда цифрлы форматтағы жеке тұлғаларға арналған дербес кредиттік есептер мен сақтандыру есептерін кез келген электрондық құрылғыдан тегін алуға болады.
Кредиттік есеп соңғы ақпаратты (қарыз алушының өзі туралы деректер мен әрбір кредит бойынша толық ақпарат – кредиттің жалпы сомасы, несие берешегінің қалдығы, кредиттің мақсаты, кредит туралы мәліметтер берген қаржы ұйымын көрсете отырып, кредит бойынша кепіл туралы ақпарат) алған күні 5 жылдан кем болатын қарыз алушының міндеттемелері туралы Кредиттік тарихтың дерекқорынан алынған ақпаратты қамтиды.
Сақтандыру есептері тұлғаны сақтандыру тарихы (сақтандыру ұйымдарының атауын, полистің қолданылу кезеңін, сондай-ақ сақтандыру жағдайларын, сақтандыру сыныптарын қоса алғанда, жасалған КҚИ АҚЖ МС сақтандыру полистері) бойынша Бірыңғай сақтандыру дерекқорынан алынған ақпаратты қамтиды.
Заңды тұлғалар үшін корпоративтік кредиттік есептер күнтізбелік бір жыл ішінде бір рет тегін қолжетімді, қайта және одан кейінгі сұратулар кезінде 400,00 теңге мөлшерінде (ҚҚС қосқанда) төлем алынады.
Кредиттік тарихты немесе сақтандыру деректерін дұрыс көрсету мәселелері бойынша Шарт жасасқан қаржы институтына немесе сақтандыру ұйымына хабарласқан абзал.
