Қазақстан Республикасының Президенті Нұрсұлтан Назарбаев Ресей Федерациясының Президенті Владимир Путинмен телефон арқылы сөйлесті, деп хабарлады Қазақстан Президентінің баспасөз қызметі.
Мемлекет басшылары екіжақты қарым-қатынастардың басымдығы бар бағыттарын, сондай-ақ, сауда-экономика саласындағы ынтымақтастық аясын кеңейту мәселелерін талқылады.
Сондай-ақ, Еуразия кеңістігіндегі интеграциялық өзара ықпалдастық жайттары қозғалды. Атап айтқанда, Жоғары Еуразиялық экономикалық кеңестің отырысына дайындық барысы қаралды.
Бұған қоса, екі мемлекет басшылары жұмысын аяқтаған Гаагадағы Ядролық қауіпсіздік жөніндегі саммиттің қорытындылары туралы пікір алмасты.
Нұрсұлтан Назарбаев пен Владимир Путин екіжақты ынтымақтастықтың барлық бағыттары бойынша толық өзара түсіністік барын атап өтті.
Соңғы жаңалықтар
«Жастар» Сарайының жарты ғасырлық мерейтойы тойланды
Елорда • Кеше
«Egemen Qazaqstan» газетінің тілшісі «Дарын» сыйлығын иеленді
Мәдениет • Кеше
Алматы • Кеше
Президент Мәжіліс төрағасын қабылдады
Президент • Кеше
