НАТО-ның жаңа бас хатшысы тағайындалды

НАТО кеңесі Норвегияның экс-премьері Йенс Столтенбергті альянс бас хатшысының орынтағына тағайындады. Бұл туралы НАТО-ның баспасөз қызметі таратқан ресми мәлімдемеге сілтеме жасаған ИТАР-ТАСС хабарлады. «НАТО кеңесі Йенс Столтенбергті Солтүстік Атлант альянсының бас хатшысы етіп тағайындау туралы шешім қабылдады», - делінген құжатта. 55 жастағы Йенс Столтенберг НАТО-ның қазіргі бас хатшысы Андерс Фог Расмуссенді алмастырады. Алмасу процесі биылғы жылғы 4-5 қыркүйекте Уэльсте НАТО саммиті өткеннен кейін жасалады. Жалпы, үстіміздегі жылы НАТО бас хатшысын алмастыру жоспарлы шара болып табылады. Данияның экс-премьері Андерс Фог Расмуссен саяси альянстың лидері орынтағына 2009 жылғы 1 тамызда келді. Осылайша ол бұл орында 5 жыл, 2 ай отырмақшы. Альянс бас хатшысының стандартты мандаты 4 жылға есептелген. Алайда, одақтастар НАТО әскерлерін Ауғанстаннан шығару процесін аяқтау және Солтүстік Атлант альянсының ауған науқанын аяқтау қортындысына арналған финалдық саммитін өткізу үшін оған уақыт беруге шешім қабылдады. Йенс Столтенберг Норвегияның премьер-министрі орынтағына үш рет отырды. Алдымен 2000-2001 жылдары Хьель Магне Бунневиктің кабинетіне жайғасты. Сосын 2005 және 2009 жылдары екі рет сайлауда жеңіске жетті. Сәкен Майлыбай. Дереккөз: ИТАР-ТАСС. Фото: ИТАР-ТАСС.