Бүгін Парижде Лавров пен Керри кездеседі

Бүгін, 30 наурыз күні Парижде Ресей сыртқы істер министрі Сергей Лавров пен АҚШ мемлекеттік хатшысы Джон Керри кездеседі. Бұл туралы РФ сыртқы істер министрлігінің дерегіне сүйенген ИТАР-ТАСС хабарлады. «Кездесу Ресей мен АҚШ президенттерінің келісімдерін дамыту бағытында» жүргізіледі», - делінген хабарламада. Кеше телефон арқылы сөйлескен сөздерінде Ресей президенті Владимир Путин АҚШ президенті Барак Обамаға Украинадағы жағдайды тұрақтандыруға ықпал етудің халықаралық қауымдастығының мүмкін болатын қадамдары туралы айтқан еді. Кремль баспасөз орталығы хабарлағандай, Ресей лидері Вашингтон әкімшілігі басшысының назарын экстремистердің Украинаның әртүрлі аймақтары мен Киевте жалғасып жатқан жүгенсіздіктеріне, билік құрылымдарының, тәртіп сақтау органдарының жергілікті тұрғындарды қорқытып-үркітуге бағытталған тоқтаусыз актілеріне аударды. Екі елдің көшбасшылары жақын арада Ресей мен АҚШ-тың сыртқы саясат ведомствосының басшылары бұл бағыттағы бірлескен жұмыстың нақты істерін бірлесіп талқылайды деп шешті. Сенбі күні осыдан кейін Лавров пен Керри арасында да осыған ұқсас әңгіме жүрді. Олар негізгі әңгімені Парижде жалғастыратын болып келісті. Сәкен Майлыбай. Дереккөз: ИТАР-ТАСС. Фото: AP Photo/Jacquelyn Martin, Pool.