Левандовский Ресеймен қарым-қатынасы бар компания қызметінен бас тартты

Деректерге сенсек, польшалық футболшы ұлыбританиялық Daily Mail басылымында жарияланған мақаланы оқығаннан кейін осындай шешімге келген. Мақалада қытайлық компанияның Ресейге кибер шабуылдардан қорғануға көмектесіп жатқаны жазылған болатын.  

«Бүгін біз Роберт Левандовский мен «Huawei» компаниясы арасындағы келісімшарттан бас тартқанымызды хабарлаймыз. Біздің тараптан барлық жарнамалық міндеттемелер осы сәттен бастап тоқтайтын болады», деп хабарлады польшалық шабуылшының менеджері Томаш Завишлак.