Қазақ Ұлттық аграрлық университетінде Жапонияның Қазақстандағы елшісі Масаеси Камохара мырзамен оқу орнының оқытушы-профессорлық құрамының кездесуі өтті. Басқосудан соң елші университеттегі Қазақстан-Жапония инновациялық орталығының жұмысымен танысып, бірқатар бірлескен ғылыми жобалар жайын талқылады.
Қазақстанның болашақта Бүкіләлемдік сауда ұйымына кіруі көптеген елдердің ауылшаруашылық өнімдерінің елімізге кіруіне жол ашады. Алайда, оның барлығы да халықаралық және ұлттық стандартқа сай ма? Бұл күрделі мәселе. Сондықтан елімізде сыртқа шығарылатын немесе ішке кіретін өнімдер болсын, олардың бәрінің сапасын тексеретін орталық міндетті түрде болуы керек.
Қазақстан-Жапония инновациялық орталығы осыған қадам жасап отыр. Оның тағы да бір ерекшелігі, ол мұндағы барлық заманауи ғылыми аспаптар мен жоғары білікті мамандардың шоғырлануы. Бүгінде ғылыми зертханалар көп, бірақ олардың көпшілігі тек белгілі бір бағытта ғана зерттеулер жүргізе алады. Толықтай кешенді зерттеу жүргізу, сапалы және жоғары дәлдікпен нәтижелер алу, осылардың барлығы бүгінде осы орталықта үйлесім тапқан.
Орталық құрамында жұмыс істейтін инженерлік бейіндегі «Электронды микроскопия» зертханасы, «Азық-түлік және экологиялық қауіпсіздік» зертханасы, «Су сапасын бағалау» зертханасы, «Оқу-ғылыми-диагностикалық» зертханасы біріктірілген.
Ондағы мамандар бүгінде зерттеулерін кең шеңберде жүргізуде. Сарапшылар негізінен табиғи жайылымдарда, ауада, бидай сынамаларында, жеміс-көкөніс өнімдерінде металл қалдықтарының мөлшерін, соның ішінде адамдар үшін улы қорғасын, кадмий, сынап сияқты барлығы 30-дан асатын элементтерді анықтауға арналған.
Орталықтың кадрлық әлеуеті ғылым мен тәжірибе мәселелерін шешуге жеткілікті. Әсіресе, нано-биотехнология бағытында, тағам қауіпсіздігі мен қоршаған ортаны қорғау саласында. Бүгінде орталықта жүргізілген зерттеулердің нәтижелері импакт-факторы жоғары шетелдік басылымдарда жарық көруде.
Қанат ЕСКЕНДІР,
«Егемен Қазақстан».
АЛМАТЫ.
––––––––––––––––
Суретті түсірген
Берсінбек СӘРСЕНОВ.
Қазақстанның болашақта Бүкіләлемдік сауда ұйымына кіруі көптеген елдердің ауылшаруашылық өнімдерінің елімізге кіруіне жол ашады. Алайда, оның барлығы да халықаралық және ұлттық стандартқа сай ма? Бұл күрделі мәселе. Сондықтан елімізде сыртқа шығарылатын немесе ішке кіретін өнімдер болсын, олардың бәрінің сапасын тексеретін орталық міндетті түрде болуы керек.
Қазақстан-Жапония инновациялық орталығы осыған қадам жасап отыр. Оның тағы да бір ерекшелігі, ол мұндағы барлық заманауи ғылыми аспаптар мен жоғары білікті мамандардың шоғырлануы. Бүгінде ғылыми зертханалар көп, бірақ олардың көпшілігі тек белгілі бір бағытта ғана зерттеулер жүргізе алады. Толықтай кешенді зерттеу жүргізу, сапалы және жоғары дәлдікпен нәтижелер алу, осылардың барлығы бүгінде осы орталықта үйлесім тапқан.
Орталық құрамында жұмыс істейтін инженерлік бейіндегі «Электронды микроскопия» зертханасы, «Азық-түлік және экологиялық қауіпсіздік» зертханасы, «Су сапасын бағалау» зертханасы, «Оқу-ғылыми-диагностикалық» зертханасы біріктірілген.
Ондағы мамандар бүгінде зерттеулерін кең шеңберде жүргізуде. Сарапшылар негізінен табиғи жайылымдарда, ауада, бидай сынамаларында, жеміс-көкөніс өнімдерінде металл қалдықтарының мөлшерін, соның ішінде адамдар үшін улы қорғасын, кадмий, сынап сияқты барлығы 30-дан асатын элементтерді анықтауға арналған.
Орталықтың кадрлық әлеуеті ғылым мен тәжірибе мәселелерін шешуге жеткілікті. Әсіресе, нано-биотехнология бағытында, тағам қауіпсіздігі мен қоршаған ортаны қорғау саласында. Бүгінде орталықта жүргізілген зерттеулердің нәтижелері импакт-факторы жоғары шетелдік басылымдарда жарық көруде.
Қанат ЕСКЕНДІР,
«Егемен Қазақстан».
АЛМАТЫ.
––––––––––––––––
Суретті түсірген
Берсінбек СӘРСЕНОВ.
