Ресейдің халық әртісі Андрис Лиепаның мерейтойлық кеші «Қолтаңбалар мен тұлғалар» атты танымал жоба аясында Мемлекеттік Кремль сарайында өткен еді. Мәскеу сахнасында «Астана Операны» ғана емес, күллі қазақ өнерін танытқан қос өнерпаз Н.А.Римский-Корсаковтың музыкасына Андрис Лиепа қойған «Шехеразада» балетінен адажиода Алтын құл мен Зобеиданың бейнелерін сомдады.
Сондай-ақ жетекші солист осы бағдарлама аясында А.Аданның «Корсар» балетінен падедені де орындады.
Айта кетейік, Бақтияр Адамжан мен Анастасия Заклинская «Шехеразаданы» қойылым театр репертуарына енген алғашқы күннен бері орындап келеді.
Бақтияр Адамжан Новосібір опера және балет театрында шақырылған жетекші солист болып еңбек етеді. Көрермендер оны А.Хачатурянның «Спартак», Л.Минкустың «Дон Кихот» спектакльдері және «Баядерка» балетінің классикалық нұсқасында жақсы таныды.
«Бұл жолы Морис Жаррдың музыкасына Ролан Петидің «Париж Құдай анасының соборында», сондай-ақ испандық хореограф Начо Дуатоның қойылымында «Баядерка» балетінің мен үшін жаңа нұсқасында биледім. Түрлі сахналарда, әлемдік балет жұлдыздарымен бірге гала-концерттерде өнер көрсетуге мүмкіндігім барын мақтан етемін. Атақты бишілермен таныстым, шығармашылық өсуге, тәжірибе алмасуға үлкен әсер алдым», дейді әртіс.
