Бұған дейін Абель Санчес Геннадий Головкинді «Өзін боксшы ретінде көрсетуге тырысып бағуда. Ол шын мәнінде жойқын күшінің арқасында қарсыластарынан айласын асырып жүр» деген сыңайда сын айтқан болатын.
«Мен бұрын өзім қолданған «мексикалық стилден» толыққанды бас тарттым деп ойламаймын. Бәлкім өз стиліме бірнеше өзгерістер мен түзетулер енгізген шығармын. Әлбетте, о баста өзім дағдыланған, үйренген дүниелерден бас тартқан емеспін. Расында Джонатан Бэнкспен бірлесе жұмыс істеп, жаңа тәсілдерді жетілдірдік. Олардың бірқатарын Камиль Шереметаға қарсы өткен шайқаста тексеріп көрдім. Мақсатымыз жекпе-жекті барынша қызықты өткізуге бағытталды. Қазіргі кезде тәжірибемді толыстырып, жан-жақты боксшы болғаныма сенімдімін. Уақыт өткен сайын боксшы ретінде өсіп жатқанымды сеземін», деді қазақстандық боксшы.
