Елорда • 17 Наурыз, 2022

Нұр-Сұлтанда солтүстік-батыс айналма жолы жабылады

21 рет көрсетілді

Нұр-Сұлтан қаласының Солтүстік-Батыс айналма жолының 1,4 шақырымынан бастап 6 шақырымына дейінгі учаскесі жабылады, деп хабарлайды Egemen.kz.



«ҚазАвтоЖол» ҰК» АҚ Ақмола облысы филиалының ақпаратына сәйкес, республикалық маңызы бар Р-10 Нұр-Сұлтан қаласының Солтүстік-Батыс айналма жолының 4 шақырымындағы апатты жағдайға байланысты аталмыш жолдың 1,4 шақырымынан бастап 6 шақырымына дейінгі телімі 25 наурыздан 15 тамызға дейін күрделі жөндеу жұмыстарын жүргізу үшін жабылмақ.

«Осы орайда Нұр-Сұлтан қаласы, Ақмола облысы тұрғындары мен қонақтарына, сондай ақ барлық транзиттік жүргізушілерге балама жолдың барын ескертеміз. Жеңіл көлік иелері қала ішімен, яғни Лесозавод елдімекені арқылы жүре алады, ал жүк көлік иелері үшін Шығыс айналма жолы бар» деп ескертеді компаниядан.

Туындаған барлық сұрақ бойынша тәулік бойы жұмыс жасайтын 1403 колл орталығына қоңырау шалуға болады.



 

Соңғы жаңалықтар

ТүркПА-ның атауы өзгереді

Парламент • Кеше

Алматы жолдарын су басты

Аймақтар • Кеше

Ұқсас жаңалықтар