Қоғам • 18 Наурыз, 2022

Қазақстанда тауық еті қымбаттады

679 рет

көрсетілді

1 мин

оқу үшін

Қазақстанда тауық еті бір жылда 17 пайызға қымбаттады, деп хабарлайды Egemen.kz Energyprom.kz сайтына сілтеме жасап.

Гауһар ҚАПАШ

Биыл ақпанда бөлшек сауда нүктелеріндегі тауық бағасы бір жылда 17,2 пайызға, бір келісі 1,1 мың теңгеге дейін, тауық еті бірден 22,8 пайызға, бір келісіне 958 теңгеге дейін өсті.

Ақпанда тауық бағасы Ақтауда бір келі үшін - 1,3 мың теңге болды. Тауық еті Нұр-Сұлтанда бір келі үшін - 1,1 мың теңге.

Қазақстанда қаңтарда 8,3 мың тонна жас немесе тоңазытылған үй құсы еті өндірілген. Бұл бір жыл бұрынғыға қарағанда 0,5 пайызға артық. Үй құсының жас немесе тоңазытылған етін өндіретін өңірлер арасында Ақмола облысы көш бастап тұр.

2021 жылы елімізде 110,3 мың тонна жас немесе тоңазытылған, 127,4 мың тонна үй құсының мұздатылған еті өндірілген.

Жергілікті компаниялар 2021 жылдың қорытындысы бойынша құс еті мен қосымша өнімдерге сұранысты 62,6 пайызға қамтамасыз еткен. Импорт үлесі - 37,4 пайыз.