Күрделі геосаяси жағдай, экономикалық қысым, қаңтардағы оқиғалар – осының бәрі наурыздағы Жолдауды көпшілік үшін нақты іс-қимыл тұжырымдамасы ретінде жариялауға түрткі болғаны анық. Өйткені қазақстандықтар еліміздің енді қайда және қалай қарай қадам басу керек екенін жете түсінбеді.
Сондай-ақ ел азаматтары егер екі жарым ай бұрын ғана болған оқиғалар мүлде басқаша өрбісе және сын мен сынаққа толы кезеңде Мемлекет басшысы берік әрі нақты шешімдер қабылдамаса, ешқандай Жолдау да, ел де болмайтынына көздері анық жетті.
Президент Жолдауында айтылған саяси реформалар қаңтардағы дағдарыстық оқиғалардың салдары ғана емес, биліктің сол кезде туындаған мәселелерді шешуге деген ұмтылысы болатын. Реформалар 2019 жылы басталды, олардың қазіргі кезеңі табиғи және сәл кейінірек орын алуы мүмкін, бірақ бұл реформалар ел үшін аса қажет, сондықтан күшті демократиялық мемлекет құруды олардың нәтижелерінсіз елестету қиын.
Ел Президенті Қасым-Жомарт Тоқаевтың Жолдауы реформаларды жүргізу қажеттігін идеологиялық тұрғыдан тереңірек және кеңірек талдап бергенін ерекше атап өткім келеді. Мемлекет басшысының өзі елімізде шешімін таппаған мәселелердің бар екенін мойындап отыр. Осының өзі түйінін тарқатуын күткен мәселелердің жартысы ғана. Халық арасында Президент Қ.Тоқаев қашанда проблемаларға көз жұмбай, өзге біреуге жауапкершілікті арта салуға тырыспай, бірден шешу жолдарын ұсынып, жауаптылардың кемшіліктерін көрсете отырып, қалай болатыны туралы жол сілтейтіні жайлы пікір қалыптасқан.
Біздің елімізде жаһандық, түбегейлі өзгерістер бұрынғы жүйені бөлшектеместен тез арада жүргізілмейді.
Президенттік жастар кадр резервінің мүшелері Мемлекет басшысының бастамаларын іске асыру үшін барлық күш-жігерін жұмсауға дайын. Мұның себебі Мемлекет басшысының резервтегі жастарды «өзгерістер агенттері» деп атағандықтан ғана емес, сонымен қатар түп мақсаты ең басты «агент» ретінде Президенттің «елдің мүдделері бәрінен бұрын» деген негізгі өмірлік ұстанымында жатыр.
Асқар БАЙМҰҚАНОВ,
Солтүстік Қазақстан облысы Ішкі саясат басқармасы басшысының орынбасары,
Президенттік жастар кадрлық резервінің мүшесі
