«Турасын айтсам, екі боксшы арасындағы үшінші жекпе-жек мен үшін түк те қызық емес. Екі кездесуді көрдік, көңілге көп жайды түйдік. Геннадий Головкин аз күннен кейін қырық жасқа толады. Үшінші шайқас өткен жағдайда «Канелоның» Головкинді соққының астына алғанын ғана көреміз. Үшінші кездесуді төрт-бес жыл күтпей, екінші жекпе-жектен соң бірден өткізгенде жағдай басқаша болар еді. Қазір «Канело» нағыз спорттық бабына енсе, Головкин қартайып қалды. Ашығын айтсақ, Головкин Сергей Деревянченконы жеңген жоқ. Ал Сергей Деревянченконың деңгейі «Канелоның» деңгейін маңайлай алмайды. Боксшы қырыққа келген кезде әбден шаршағаны білінеді. Сондықтан да трилогияның түкке керегі жоқ», деді бапкер өз ойын түйіндеп.
