Аймақтар • 31 Наурыз, 2022

Нұр-Сұлтан мен Қарағандыда да «бомба» қойылғаны туралы ақпарат шықты

227 рет
көрсетілді
1 мин
оқу үшін

Нұр-Сұлтан мен Қарағандыдағы нысандарға «бомба қойылғаны» туралы жалған ақпарат шықты. Бұл туралы полиция хабарлады, деп хабарлайды Egemen.kz

 

Нұр-Сұлтан мен Қарағандыда да «бомба» қойылғаны туралы ақпарат шықты

«Нұр-Сұлтан әуежайы, My car және Lexus автосалондары, сондай-ақ «Хан-Шатыр» және Mega Silk Way сауда орталықтарының электрон мекенжайына белгісіз біреулер жарылғыш құрылғылар қойылғаны туралы қоқан-лоқы жазылған хат жолдаған. Бұл туралы «102» арнасына қоңыраулар түсті», делінген елордалық полиция департаментінің хабарламасында.

Қазір бұл нысандарды қаланың төтенше жағдайлар қызметі тексеріп жатыр. Адамдарды эвакуациялау жүргізілген.

Бұл ретте Қарағандыда сағат 9.00-де «102» телефонына Мұқанов көшесіндегі халыққа қызмет көрсету орталығының ғимаратына жарылғыш зат қойылғаны туралы аноним хабарлама келіп түскен.

«Қарағанды облысы ПД жедел кезекшісі барлық шұғыл қызметтерді жіберді. ХҚКО ғимаратынан 31 адам эвакуацияланды. Оны тексеру кезінде жарылғыш зат табылған жоқ», деді қарағандылық құқық қорғау органдары өкілдері.