Аймақтар • 03 Сәуір, 2022

Су тасқыны: 100-ден аса үй су астында қалды

Су тасқыны кезеңі басталғаннан бері 85 тұрғын және 15 саяжай үйлері, 6 елді мекенде 2 әлеуметтік нысан еріген қар суының астында қалды, деп хабарлайды Egemen.kz ТЖМ сілтеме жасап.

Ботакөз БАҚБЕРГЕН

Павлодар және Ақтөбе облыстарында 43 үйден су бұру жүргізілді.

Алдын ала 196 адам эвакуацияланды, оның ішінде 39-ы уақытша эвакуациялау пункттеріне орналастырылса, 57-сі туысқандарына барды..

Бір тәулікте 5 тұрғын және 15 саяжай үйлерін су басу тіркелді, республикалық және 1 облыстық маңызы бар автожолдардың 3 учаскесінде су тасқыны болды.

Комиссиялық тексеру барысында БҚО-ның шалғын кентінде 4 тұрғын үйді су басып, 15 бас ұсақ мал қырылғаны анықталды.

Соңғы тәулікте Қарағанды облысының Теміртау қаласындағы Мырза станциясында 1 тұрғын үйді еріген қар суы басып, 7 адам, оның ішінде 5 бала эвакуацияланды.

Су басқан 42 тұрғын және 15 саяжай үйлері, 2 әлеуметтік объект, автожолдардың 22 учаскесіндегі су тасқыны, оның ішінде республикалық маңызы бар – 4, облыстық - 2, жергілікті – 16, оның ішінде автожолдардың 14 учаскесінің шайылуы: республикалық – 1, жергілікті – 13 учаске бақылауда.

Су тасқыны салдарынан туындаған ТЖ тәуекелдерін төмендету мақсатында өңірлер аумағында ЖАО және ТЖМ күшімен 2 270,4 мың м3 еріген қар суын сору, инертті материалдары бар 21 891 қап төсеу, сондай-ақ 250 м2 алқапта өзендерде мұз кесу жұмыстары жүргізілді.

Жұмыстарға ТЖМ, ІІМ және ЖАО 1 067 адамы, оның ішінде ТЖМ жеке құрамы - 331, ТЖМ, ІІМ және ЖАО 441 бірлік техникасы, оның ішінде ТЖМ-ң 85 техникасы, ТЖМ және ЖАО 141 су айдайтын құралы, оның ішінде ТЖМ-ң 66 құралы және ТЖМ және ЖАО 10 жүзу құралы, оның ішінде ТЖМ–ң 6 құралы.

Күннің маңызды және өзекті жаңалықтарын «Егемен Қазақстан» телеграм каналынан оқыңыз