Оқиға • 04 Сәуір, 2022

Түркістан облысында өртенген үйден екі баланың денесі табылды

40 рет көрсетілді

Түркістан облысында жеке тұрғын үй өртеніп, 13 жастағы екі бала көз жұмды, деп хабарлайды Egemen.kz.

Облыстық төтенше жағдайлар департаментінің мәліметінше, оқыс оқиға Сауран ауданы Бабайқорған ауылында болған.

Ш.Қалдаяқов көшесінде орналасқан екі қабатты жеке тұрғын үй отқа оранып, 180 шаршы метр аумақ өртенген. Салдарынан үйдің бірінші қабатының төбесі опырылып түскен.

Құтқарушылар оқиға орнынан 13 жасқа енді толған екі жасөспірімнің денесін алып шықты.

Өртті сөндіруге төтенше жағдайлар департаментінің 24 қызметкері мен 7 техникасы, полиция департаментінің 9 қызметкері мен 3 техникасы жұмылдырылды.

Соңғы жаңалықтар

Ұқсас жаңалықтар