Ұлттық спорт • 08 Сәуір, 2022

Жастар өзара мықтыны анықтады

39 рет көрсетілді

Нұр-Сұлтан қаласындағы №87 Абай атындағы мектеп-гимназиясында жастар арасында (17, 19 және 21 жас) тоғызқұмалақтың блиц, рапид, классика түрлерінен Қазақстан чемпионаты өтті.

Аталған чемпионаттың мақ­саты – жастардың ұлттық спортқа деген қызығушылығын арттыру және саламатты өмір салтын наси­хаттау. Сегіз күнге созылған жарысқа еліміздің барлық өңірінен 300-ге жуық жас тоғызқұмалақшы қатысты.

Жарыс қорытындысы бойынша, тоғызқұмалақтың блиц түрінен 17 жасқа дейінгі ұлдар арасынан ақтөбелік Диас Жанбау алдына жан салмаса, қыздардан елордалық Ақжібек Манарбекқызына тең келер ешкім болмады. 19 жасқа дейінгі ұлдар тобында шымкенттік Дастан Қалыбек дара шықса, қыз­дар­дан шығысқазақстандық Аяна Исахан топ жарды. Ал 21 жасқа дейінгі жастардың ішінен 1-орын­ды қызылордалық Асылбек Қар­жау­баев иеленсе, қыздардан тағы бір қызылордалық Ақерке Кенже­бекова биік тұғырдан көрінді.

Рапидтен де жастарымыз жеңіс жолында аянып қалмады. Әсіресе, блицтен бірінші орын алған Диас Жанбау (17 жасқа дейінгі) мен Ақ­жібек Манарбекқызының рапид­те де бақтары жанды. Ал 19 жасқа дейінгілер арасынан қызыл­ордалық Дамир Ахметов (ұлдар) пен алматылық Ақерке Тұр­сынәлі (қыздар) жеңімпаз атанды. 21 жасқа дейінгілер тобында Асылбек Қаржаубаев екінші мәрте чемпион атанса, қыздардың ішінен елордалық Құндыз Есіркеп дара шықты.

Классика бойынша Қайрат Тұрарбек пен Аяна Исахан (17 жасқа дейін) жарыста үздік деп танылды. 19 жасқа дейінгі жігіттер арасынан павлодарлық Ерасыл Аута­липов пен қыздар арасынан қы­зылордалық Амир Бекзат жеңімпаз атанды. Ал 21 жасқа дейінгі жігіттерден жамбылдық Нұрбол Әлдібай, қыздардан қостанайлық Жан­сая Смайылова дара шықты.

Марапаттау рәсіміне Парла­мент Мәжілісінің депутаты Мақ­сат Раманқұлов, Дүниежүзілік то­ғызқұмалақ федерациясының вице-президенті Мақсат Шотаев, то­­ғызқұмалақтан Қазақстанның еңбек сіңірген спорт шебері Хакім­жан Елеусінов және №87 Абай атын­дағы мектеп-гимназиясының ди­­ректоры Айгүл Қашаева қатыс­ты.

Соңғы жаңалықтар

Ұқсас жаңалықтар