Зағип жандарға арнайы Брайль қарпімен жазылған Құрандар сыйға тартылды

Семей қаласындағы қос мұнаралы Орталық мешітте ҚМБД-ның өкіл имамы Мақсат Алтыбай қала тұрғыны Айдархан Боранбаевқа, Малайзия мемлекетінен арнайы тапсырыспен алынған зағип жандарға арнал­­­ған Брайль қарпіндегі Құранды сыйға тартты. Айдархан Боранбаев Алматы қала­сындағы зағип жандарға арналған бейім­деу орталығынан брайль тәсілінде құран үйреніп білім алған болатын. Өкіл имам өз сөзінде: «Бабаларымыз «көзі соқыр­­дан көкірегі соқыр жаман» деп бекер айт­паған, көздері көре тұра Құ­­ран­ды оқы­мағандар үшін бұл – үлкен ғиб­рат ала­тын іс. Осы алған біліміңді толық­ты­рып, өзің сияқты зағип жандарға осы Құ­ранды үйретуді Алла нәсіп етсін», – деді. Айдархан Боранбаев өкіл имамға және Тас мешіттің бас имамы Нұрбек Нәдірұлына, білім алуына қол ұшын берген азаматтарға өзінің жүрек­жарды тілегі мен ризашылығын білдірді. Раушан НҰҒМАНБЕКОВА. СЕМЕЙ.