Әлем • 14 Сәуір, 2022

Қытайда COVID-19 жұқтырғандар бойынша жаңа рекорд тіркелді

302 рет
көрсетілді
1 мин
оқу үшін

Қытай билігі соңғы тәулікте коронавирустық инфекцияның 29 411 жағдайын анықтады. Бұл туралы ҚХР гигиена және денсаулық сақтау жөніндегі мемлекеттік комитетінің жарияланған хабарламасында айтылған, деп хабарлайды Egemen.kz.

Қытайда COVID-19 жұқтырғандар бойынша жаңа рекорд тіркелді

Соңғы тәулікте COVID-19 3020 адамда анықталды. Оның 21-і шетелден келсе, 2 999-ы елден табылған. Жұқтырғандардың ең көп саны Шанхайда (2 573) және Солтүстік-Шығыс Цзилинь провинциясында (325) тіркелген.

Қалған 26 391 адам аурудың асимптоматикалық тасымалдаушылары болып табылады, олардың 73-і шетелден келген, 26 318 жағдай ел ішінде тіркелген. Асимптоматикалық науқастардың ең көп саны Шанхайда (25 146), Цзилинь провинциясында (674) және Гуанси-Чжуан автономиялық ауданында (129) анықталды.

Ресми түрде пандемия басталғалы бері Қытайда коронавирусты жұқтырудың 171,3 мың расталған жағдайы анықталды (ҚХР билігі статистикаға асимптоматикалық пациенттер туралы деректерді қоспайды). Өлім саны 4 638-ді құрайды. Елдегі эпидемиялық жағдай күрделі күйінде қалып отыр. 

Аяна Тоғанбек