Қазақстан Футбол федерациясының бас хатшысы өзгерді

Бүгін, 11 сәуір күні Қазақстан Футбол федерациясының бас хатшысы болып Аллен Шайжүнісов тағайындалды. Бұл туралы Vesti.kz хабарлады. Бұған дейін Саян Хамитжанов аталмыш қызметті 2008 жылғы 21 наурыздан бері атқарып келді. Ол 2012 жылғы 30 мамырдан федерацияның бірінші вице-президенті болып та тағайындалды. Ал 2013 жылдан құрамалар командалар жөніндегі комитетті басқарды. Футбол федерациясының атқарушы директоры Олжас Абраев өзінің Твиттерінде: «Қазақстан Футбол федерациясы бірінші вице-президент және бас хатшы С.Ж.Хамитжановтың отставкасын қабыл алды», - деп жазды. «Қазақстан Футбол федерациясының бас хатшысы болып Шайжүнісов Аллен Сержанұлы тағайындалды», -деді ол сосын. Еске сала кетейік, Саян Хамитжанов бұл қызметтен кететінін 2013 жылғы тамызда алғаш мәлімдеген еді. Дамир Қожамқұл. Дереккөз: Vesti.kz Фото: astanafans.com.