Аймақтар • 06 Мамыр, 2022

Тәуелсіз ел әскерінің тарихы

517 рет
көрсетілді
4 мин
оқу үшін

Құрылған күнінен бастап ел тәуелсіздігі мен қауіпсіздігі күзетінде күрделі белестерді абыроймен арқалап келе жатқан Қарулы Күштердің 30 жылдық мерекесін Алматыдағы Президент Архиві де атап өтті. Архив басшылығы атаулы күн аясында «Тәуелсіз ел әскері: Міндет. Абырой. Ерлік» атты дөңгелек үстел ұйымдастырып, іс-шара қатысушыларына тақырыпқа сай тарихи-құжаттық көрмені таныстырды.

Тәуелсіз ел әскерінің тарихы

1992 жылғы 7 мамырдағы Прези­дент­тің №745 Жарлы­ғы­на сәйкес Қа­зақ­стан Респуб­ли­­касының Қарулы Күштері құ­рыл­ған болатын. Осы 30 жыл бедерінде өз Отанының шынайы патриоттары мен әскери мамандар даярлаудың ұлттық жүйесі қа­­лып­та­сып, Қазақстанның Қа­­­ру­­лы күш­те­рі­нің тарихында есі­мі алтын әріп­пен жа­зы­ла­тын нағыз кәсібилердің үлкен шо­ғырының өсіп шыққанын атап өткен Президент Архивінің ди­ректоры Әлия Мұстафина Отан қорғаушыларды айтулы мерекесімен құттықтады. Әлия Құсайын­қызы атаулы күнді мерекелеу аясындағы іс-шаралар өткен аптада Нұр-Сұлтан қала­сын­дағы басқосудан бастау алып, Алматы қаласындағы Пре­зи­­дент Архивінде жалғасын та­­уып отырғанын және айрықша маңыз беретін себепке ие екенін айтты.

Президент Архиві мен ҚК Әскери-тарихи музейі бірлесіп дайындап жарық­қа шығарған «Қазақстан Респуб­ли­касының Қарулы Күштері. 1991-2001: құ­жат­тар мен материалдар жи­нағы» кі­та­бының тұсаукесері – мерекеге ла­йықты тарту.

Қазақстан армиясының тарихын баяндайтын құжаттық жи­нақтың жарыққа шығуына қолдау көрсеткені үшін Архив директоры Қорғаныс министрлігінің басшылығына алғысын білдірді. Архив директорының мәлімдемесі бойынша жаңа басылып шыққан жинақта Қазақстан Республикасы Президентінің, Қазақстан Респуб­ли­касы Үкіметінің, Қазақ­стан Республикасы Қорғаныс ми­нистр­лігінің нормативтік-құ­қық­тық актілері, Қарулы Күш­тер­дің жоғары командалық құрамының ресми хат алмасу­ларының түп­нұс­қалары ұсы­ныл­ған архивтік құжаттардың 120 дерегі алғаш рет жарық көріп, Қарулы Күш­тер­дің құрылуы мен қалыптасуы және реформалануы қалай жүргізілгенін көр­се­тетін құнды мағлұматтар көрер­мен­ге жол тартты.

Мемлекет басшысы Қ.Тоқаев­­­тың «Жаңа Қазақстан: Жа­­ңа­ру мен жаңғыру жолы» Жол­дауын­да белгіленген басым ба­ғыт­­тар қатарында «Ел ішінде бо­лып жатқан іргелі қоғамдық өзгерістер мен шиеленісе түскен геосаяси тартыс кезінде айрықша маңызы бар өмірдің барлық саласында жүйелі өзгертулер жасалады» деп арнайы тоқталуының бір себебі, Қарулы Күштерді жаңғыртуға да қатысы бар еді. Бүгінгі таң­да Қазақстанның Қа­рулы Күш­тері 1992 жылдан бастап жауын­герлік рух пен дәстүрдің тарихи сабақтастығын сақтап әрі 30 жылда толық қалыптасып, серпінді дамып, өз әлеуетін арттырып келеді.

Осы тұрғыда кеңірек тоқталған Әскери-тарихи музейдің басшысы, кітап ав­тор­ларының же­тек­шісі, полковник Нұртаза Асилов бұрын жарияланбаған құнды құжаттар жарық көрген жемісті жоба – жинақ кітаптың маңыздылығы мен ерекшелігі туралы баяндап берді. Кітаптың болашақ офицерлерді даярлау жолындағы барлық әскери құрылымдар мен жоғарғы әскери оқу орындарына қолжетімді болатынына уәде беріп, кітаптың қанатқақты нұс­қа­сын қатысушы офицерлер құра­мы­на табыстады. Мемлекетіміздің әскери тарихын болашақ буынға таныстыру мақсатында ұйымдастырылып жатқан бұл жоба алдағы уақытта да жалғасын тауып, Қазақстан Қарулы Күштерінің қуаты мен келбетін жыл аралықтарына бөліп шығару жоспарланып отырғанын жеткізді.

Мерейтойға орай өткен ма­ңыз­ды басқосудың құрметті қонағы – аға офицер, әйгілі И.Панфиловтың неме­ресі Алуа Байқадамова кур­санттарға: «Сіз­­­дер, бола­шақ офицерлер, міндет, абы­­рой, ерлік деген ұғымдардың мәнін са­на­мен екшеп, жадыларыңда тоқып, тарихтан тағы­лымды тәрбие алуға тиіс­сіңдер» деп, жастарды Отанға адал болуға шақырды.

Іс-шараға Қарулы Күштердің арда­герлері, Қарулы Күштердің Әскери-та­рихи музейінің өкіл­дері, Радио­элек­­троника және байланыс әскери-ин­женерлік институты мен Құрлық әс­кер­лері Әскери институтының оқыту­шы­лары және курсанттары, архив мекем­елерінің басшылары қатысты.

 

АЛМАТЫ