Референдумды қолдауға үндеу жасады

Жаңадан ашылған Түркіс­тан музыкалық драма театрында мәдениет саласының қызмет­керлерімен өткен кездесуде рефе­рендумның мән-маңызы жөнінде кеңінен әңгімеленді. Сондай-ақ белсенді қоғам өкілдері маңызды бастаманы қолдауға шақырып, ұсы­ныс-пікірлерін ортаға салды.

«Референдум әрбір азамат­тың билікке араласуын, биліктің халыққа қызмет етуін, екеуінің ара­сында алшақтық болмауын негізге алып отыр. Бұл – Үкімет әділ, шынайы әрі ашық болсын деген қағидадан туындаған ше­шім. Жалпы, елдің өркендеуіне әрқай­сымыз үлес қосуы­мыз керек», деді республи­калық штаб мүшесі Д.Қыдырәлі. Ал Түр­кістан жоғары медициналық коллед­жін­де медицина саласы­ның қызметкер­лері және студент­терімен кездесу ашық диалог негізінде өтіп, бүгінгі күні ма­ңызға ие болып отыр­ған ре­ферендум жайы сөз болды. Конс­титуцияға өзгерістер енгізі­­летін 33 баптың әр тармақ­тарында көрсетілген салалық заң­дарға жекелей тоқталған Дархан Қыдырәлі олардың ба­­сым бөлі­гі негізгі тар­мақ­тарға яғни мем­лекеттік басқару, құқық­тық және саяси жүйеге қатыс­ты екенін атап өтті. Қаты­су­­шы­лар­ды алдағы уақытта жо­лы­­мыз­ды айқындайтын жаңа баста­малардан қалыс қалмай, қолдау көрсетіп, дауыс беруге шақырды. 

Республикалық және облыс­тық штаб мүшелері Сайрам аудан­ында бірқатар елді мекен­ді аралап, тұрғындармен кез­дес­ті. Аудан тұрғыны Низам­хан Сүлейменов банктен 6 млрд теңге несие алып, өз қара­жа­тынан 1 200 орындық 4 мектеп­тің құры­лысын жүргізуде. Бұл әлеу­мет­тік салаға толықтай жете бер­мейтін мемлекеттік бюджет үшін айтарлықтай көмек. Штаб мүшелері соның бірі – Ман­­кентте салынып жатқан мектеп құры­лысымен танысты. Мек­теп жаз айы­ның соңында пай­далануға беріліп, оқушыларды қабылдайды деп жос­парлануда.

Кездесулерде негізінен 5 маусымда өтетін Конституцияға өзге­рістер енгізу жөніндегі рефе­рен­дум туралы айтылды. «Бұл ре­ферендумның орны бөлек. Пре­зи­денттің өкілеттігін бөлісу, Парла­менттің және соттың ық­палын күшей­ту, сайлау жүйесін нақтылау­мен ерекшеленуде. Кез­десулерде Конс­титуциялық түзетулерге қатыс­ты жақсы ұсы­ныс-пікірлер айтылды. Жал­пы, Түркістан жұртшы­лы­ғы­ның референдумға деген үлкен қызы­ғушылығын көрдік. Бел­сенділігін байқадық», дейді рес­пуб­ликалық штаб мүшесі. Жиын қаты­су­шылары тарапы­нан да өзекті тақырыптар қозғалып, Д.Қыдыр­әліге ұсыныстар айтыл­ды. Мә­селен, «Манкет агро 2020» атты ірі ауыл шаруашылық өн­ді­ріс­тік кооперативінің төрағасы Батыр Анарметов шаруа қожа­лық­­тарына субсидия бөлуге қатыс­ты кедергілерді баяндады. Ал Қа­ра­бұлақ ауылындағы №100 мек­­тепте өткен кездесуде мек­теп ұжымы, жалпы, ауыл тұрғын­дары­ның елдегі саяси реформаларды ерекше үмітпен қарсы алып отыр­ғаны аңғарылды. Ауыл халқы, мұға­лімдер мен дәрігерлер жоспарланып отыр­ған саяси реформаларға оң көз­қарастарын білдірді. Кезде­сулерге облыстық мәслихат депу­таттары да қатысып, Жаңа Қа­зақстанның іргетасы іспеттес рефе­рен­думды қолдауға үндеу жасады.

Түркістан облысы