Аймақтар • 22 Мамыр, 2022

Қонаев қаласында өткен кездесулер

53 рет көрсетілді

Amanat партиясының атқарушы хатшысы Асхат Оралов Қонаев қаласында партия активі, зиялы қауым өкілдері, бастауыш партия ұйымдары мүшелерімен, қалалық су электр стансасы ұжымымен бірқатар кездесу өткізіп, алдағы жалпыхалықтық референдумның маңыздылығын талқылады.

Зиялы қауыммен кездесуде атқарушы хатшы жаңа облыстар құрылғаннан кейін Қонаев қаласы Алматы облысының әкімшілік орталығы ретінде осы өңірдің дамуына қосымша серпін беретінін атап өтті.

«Қонаев қаласының тұрғын­дары – Мемлекет басшысының халыққа Жолдауында айтылған еліміздегі ауқымды өзгерістерді қызу қолдаған алғашқылардың бірі. Енді саяси реформалар бағытын толық жүзеге асыру үшін Екінші Республиканың саяси іргетасы болатын консти­туциялық реформа жүргізу ұсынылып отыр. Еліміз демо­кра­тиялық қағи­­дат­тарды толы­ғымен ұстанады. Бұған Ата Заңға өзгерістер мен толық­ты­рулар азаматтардың жаппай дауыс беруі арқылы енгізі­ле­тіндігі дәлел бола алады. Қа­ла тұрғындары да бұл саяси нау­қанға белсенді қатысаты­нына сенімдіміз», деді Асхат Оралов.

Өз кезегінде Іле ауданы арда­герлер кеңесінің мүшесі Ербол Тұрымбетов облыс және қаладағы зиялы қауым өкіл­дері, ақсақалдар, мәдениет және спорт қайраткер­лері дауыс беру­ге шығарылатын түзету­лер­дің маңыздылығын түсін­діру жұ­мыстарына белсенді қаты­сып жатқанын хабарлады. «Рефе­рендум – бұл халқымыз үшін сынақ іспетті. Кездесулер барысында халықтың бұл бастаманы жоғары бағалайтынын және дауыс беруге қатысуға дайын екендігін көреміз. Өйткені елдегі кез келген өзгеріс түптеп келгенде Ата Заңға байланысты екені белгілі», деп атап өтті ол.

Партия активінің жиыны барысында Асхат Оралов аманаттықтар Мемлекет басшысының қоғамдық тірегі және елдің ең ірі саяси күші бола отырып, барлық өзгеріс­тің алдыңғы шебінде болуға тиіс екенін атап өтті. Оның айтуынша, партия да бүкіл еліміз сияқты трансформация проце­сін бастан өткеруде және қазір қазақстандықтардың Қасым-Жомарт Тоқаев ұсынған реформалар бағыты төңірегінде топтасуы маңызды.

Қалалық су электр станса­сының ұжымымен жүздесу барысында да алдағы өзгерістер жайы талқыланды. Кездесуге қатысушылар жалпыхалықтық референдум өткізуді қолдап, дауыс беру күні қала тұрғындары жоғары белсенділік танытатынына сенім білдірді.

Соңғы жаңалықтар

Коронавирус жұқтырғандар көбейді

Коронавирус • Бүгін, 10:29

Газеттер «сөйлеген» күн

Қазақстан • Бүгін, 08:34

Түркияда бақ сынайды

Спорт • Бүгін, 08:33

Әбиба қола алды

Спорт • Бүгін, 08:32

«Уимблдон» додасы басталды

Спорт • Бүгін, 08:30

Байтұрсыновқа арналған байқау

Ахмет Байтұрсынұлы • Бүгін, 08:22

Мемлекетті айыптап отыр

Әлем • Бүгін, 08:17

Сал-серінің соңы

Қазақстан • Кеше

Ұқсас жаңалықтар