Аймақтар • 23 Мамыр, 2022

Арғымақтар аламаны

734 рет көрсетілді

Қостанай ауданындағы «Арғымақ» ипподромында ұлттық ат спорты жарыстарының жаңа маусымы ашылды. Биыл ұлт ұстазы Ахмет Байтұрсынұлының 150 жылдығы мен Балалар жылына арналып отырған айтулы спорттық іс-шарада қазақтың ежелден келе жатқан қыз қуу, аударыспақ, көкпар ойындары өтті. Ал дүйім жанкүйер жұрттың делебесін қоздырған аламан, құнан жарыстарда еліміздің солтүстік және батыс өңірлерінен келген сәйгүліктер бәйгеге түсті.

Жаңа маусымның ашылу рәсіміне жиналған спортсүйер көпшілікті облыс әкімінің бірінші орынбасары Ғауез Нұр­мұхамбетов пен Қазақстан Республикасы Ұлттық ат спорты түрлері қауымдастығының атқарушы директоры Рахат Жақсыбай құттықтап, аталмыш шараның басты мақ­саты Қостанай жылқысын насихаттау екенін, бүгінде осы тұқымды көбейту жолдары қарастырылып жатқанын айтты.

Ұйымдастырушылардың сөзінше, Қостанайда 1889 жылы қазақ қаза­натының негізінде жылқы зауыты ашылып, алпыс жылға жалғасқан үздіксіз күрделі будандастыру жұмыстары жүргізілген көрінеді. Нәтижесінде, алын­ған Қостанай қазанаты 1951 жылы ресми түрде жеке тұ­қым ретінде тіркеліпті. Бітімі дала жылқысына тән шымыр, сүйегі ірі, бұлшық еттері жақсы дамы­ған, аяғы сіңірлі, болат тұяқты болып келе­тін асыл тұқымды бұл тұлпар­дың саны 1969 жылғы санақ бойынша 44 мыңға жеткенімен, қа­зір мүлде азайып кеткен.

Сондықтан бұл жол­ғы бәйгеде Қостанай қаза­натына айрықша мән беріліп, тек осы тұқымға арналған 1 000, 1 800 метрлік ұшқыр жарыс, 5 шақырымдық құнан бәйге және 18 шақырымдық аламан ұйымдастырылды. Мұның сыртында, аралас тұқымды сәйгүліктердің 4 шақырымдық құнан жарысы мен 16 шақырымдық аламан бәйгесі өтті.

Аралас тұқымды және таза Қостанай қазанаттары арасында өткен аламандарда Ақмола облысының сәйгүліктері топ жарды. Аралас тұқымды жуан аттардың 16 шақырымдық бәйгесінде шашасына шаң жұқтырмаған Тойдуман атты дүлдүл бірінші орын алды. Ал Қостанай тұқымды жуан аттар арасында өткен 18 шақырымдық бәйгеде Ақмола облысынан келген атбегі Әділет Тасмағамбетовтің Занзибара атты тұлпары мәре сызығын бірінші болып кесіп өтіп, аламанның бас жүлдесі жеңіл автокөлікке қоса, 900 мың теңгені олжа етті.

Қазақтың ұлттық өнері ауда­рыспақта Рүс­тем Жүгі­нісовке ешкім шақ келмеді. Ал көкпар тар­­тысында Тобыл қала­сының ойыншылары же­ңіске жетті. Шараны ұйым­дастырушылардың ай­туынша, биыл өңірде Қос­­танай тұқымды ар­ғымақ­тар мен Қостанай будан­дарына ғана арнал­ған 22 бәйге өткізу жос­парланып отыр.

п

 

Қостанай облысы

Соңғы жаңалықтар

Коронавирус жұқтырғандар көбейді

Коронавирус • Бүгін, 10:29

Газеттер «сөйлеген» күн

Қазақстан • Бүгін, 08:34

Түркияда бақ сынайды

Спорт • Бүгін, 08:33

Әбиба қола алды

Спорт • Бүгін, 08:32

«Уимблдон» додасы басталды

Спорт • Бүгін, 08:30

Байтұрсыновқа арналған байқау

Ахмет Байтұрсынұлы • Бүгін, 08:22

Мемлекетті айыптап отыр

Әлем • Бүгін, 08:17

Сал-серінің соңы

Қазақстан • Кеше

GGG – CANELO: Ер кезегі үшке дейін...

Кәсіпқой бокс • Кеше

Алаш ардақтысын түркі әлемі ұлықтады

Ахмет Байтұрсынұлы • Кеше

Ұқсас жаңалықтар