Құс тұмауынан шошынған жапондар 100 мың тауықты қырып салды

Жапонияның Кюсю аралындағы Кумамото префектурасының билігі құс тұмауының таралуына жол бермеу үшін 112 мыңға жуық тауықты қырып салды. Бұл туралы Interfax.az хабарлады. «Біз тауықтарды толығымен қырып, енді вирустың өзге аудандарға таралуына жол бермеу үшін шаралар қабылдаудамыз», – деп мәлімдеді жергілікті билік өкілі. Сондай-ақ ол ел аумағында құс тұмауына байланысты бұдан басқа оқиғалардың тіркелмегенін жеткізді. Жергілікті бұқаралық ақпарат құралдары құс тұмауының Жапония аумағында соңғы үш жылда бірінші рет пайда болғанын хабарлады. Және бұл елде құс тұмауының адамға жұққан бірде-бір оқиғасы тіркелмеген екен. Айдар Өрісбаев. Дереккөз: Interfax.az. Фото: Metronews.ru.