«Нано-Опера» байқауы 2013 жылдан бері екі жылда бір өтеді. Жоғары кәсіби қазылар алқасының құрамында көркемдік жетекшілер, жетекші халықаралық опера театрларының директорлары мен режиссерлері, танымал театр менеджерлері мен продюсерлері бар.
«Бұл байқау жас опера режиссерлеріне арналған. Жас режиссерлер үшін театр әлеміне жолдама десек те болады. Халықаралық байқаудың маңызы зор, оның үстіне опера ең қымбат өнер түрі. Бірнеше кезеңнен тұратын іріктеу мен турдың нәтижесінде соңында 6 үміткер ғана қалдық. Жалпы 200-ден астам адам қатысты. Олардың көбісі режиссер болып жұмыс істеп жүргендер», деді Еренбақ Тойкенов тілшілерге берген сұхбатында.
Отандасымыз халықаралық байқау барысында бірнеше қойылымнан үзінді көрсеткен. Атап айтсақ, «Сибирский цирюльник», «Кармен» және хор туындылары.
Сондай-ақ Еренбақ Тойкенов негізгі жүлдеден бөлек, медиа саласы бойынша ірі басылымдардың «Опералық режиссура өнеріне деген жасампаз көзқарасы үшін» және «көрермендер көзайымы» сынды 2 арнайы сыйлығына ие болған.
Салтанат Кенжебай
