«5 мамыр күні референдум жарияланған сәттен бастап бүгінгі күнге дейін Орталық референдум комиссиясына жеке және заңды тұлғалардан 524 өтініш келіп түсті. Өтініштер 4 арна арқылы келді: «Қазпошта» АҚ, электрондық үкімет порталы, Орталық референдум комиссиясы электрондық поштасы және қолма-қол. Келіп түскен өтініштердің сипаты келесідей бөлінді: 500 өтініш немесе 95 пайызы мазмұны бойынша бірдей және дауыс беруші тұлғалардың тізімдерін қалыптастыру кезінде өздерінің дербес деректерін кері қайтарып алу мәселелеріне қатысты; 9-ы БАҚ сұрауы немесе 1,7 пайызы референдумды ұйымдастыру мәселелері бойынша ақпарат беру туралы; қоғамдық бірлестіктердің 7 өтініші немесе 1,4 пайызы байқаушы немесе өкіл ретінде қатысу мүмкіндігі туралы сұрау салуы; 8-і немесе 1,3 пайызы басқа мәселелер», деді ол Орталық сайлау комиссиясының отырысында.
Оның дерегінше, келіп түскен өтініштердің 15-іне белгіленген мерзімде толық жауап берілді. 500-і Орталық референдум комиссиясының құзыретіне кірмейтіндіктен заңда белгіленген тәртіппен жергілікті атқарушы органдарға жіберілді. 9 өтініш қаралуда. Орындалмаған өтініштер жоқ.
«Аумақтық референдум комиссияларына 35 өтініш келіп түсті. Олардың жартысынан көбі немесе 23-і Алматы қаласының аумақтық референдум комиссиясына және 9-ы Ақтөбе облысының аумақтық референдум комиссиясына келіп түсті. Ақмола, Атырау, Павлодар облыстарынан - 1, Қостанай облысынан - 3, Солтүстік Қазақстан облысынан – 4 және Шымкент қаласынан 2 өтініш бар. Негізінен бұл өтініштер референдумға дайындық тәртібі мен дауыс берушілердің тізіміне қатысты. Сонымен қатар Астана, Алматы, Түркістан, Қызылорда, Қарағанды, Жамбыл, Батыс Қазақстан және Шығыс Қазақстан облыстарында бірде-бір өтініш жоқ», деді А.Смағұлов.
Аяна Тоғанбек
