Блогшылар Шымкент қаласымен танысты

  Оңтүстік Қазақстан облысы әкімдігінің қолдауымен, облыстық жастар саясаты басқармасы мен "Оңтүстіктің креатив жастары" қоғамдық бірлестігінің ұйымдастыруымен бір топ блогшылар Шымкент қаласында болып қайтты. Шара барысында Шымкент қаласының көрнекі жерлерімен қатар, "Бал текстиль", "Oxy textille" өндіріс орындарында, жаңадан бой көтерген "Отырар" кітапханасында, "Бәйдібек баба" ескерткіші, "Тәуелсіздік алаңы", "Ордабасы алаңы" секілді қала көркіне көрік қосып отырған орындармен танысты. Облыс әкімінің баспасөз хатшысы Берік Уәли жоғарыда аталған өндіріс орындары секілді кәсіпорындардың әсерінен жалпы өңірлік өнім 4 жылда 2 есеге көтеріліп, 10 орыннан 5 орынға, жергілікті бюджет кірістері - 2013 жылы 1,7 пайызға, инвестиция - 1,9 есеге, ауыл шарушылығы өнімдері - 2,2 есеге, өнеркәсіп өнімінің көлемі 2 есеге өскенін, тек бұл емес, 3 жылда 71,8 000 адам жұмыспен қамтылып, жастар арасындағы жұмыссыздық деңгейі 6,3 пайыздан 3,5 пайызға төмендегенін хабарлады. 19 сәуірде журналисттер мен блогшылар және жастар ұйымдары арасында шағын футболдан турнир өтті. Ойын нәтижесінде Отырар телеарнасы - 1, ОҚО әкімдігінің баспасөз қызметі - 2, Оңтүстік Қазақстан облысының жастар басқармасы 3 орын алды. Данияр Алан.