Референдум-2022 • 05 Маусым, 2022

Түркістан облысы дауыс беруден көш бастады

142 рет
көрсетілді
1 мин
оқу үшін

Сағат 18.00-дегі жағдай бойынша 7 624 641 адам дауыс берді. Бұл туралы Орталық референдум комиссиясының мүшесі Шавхат Өтемісов айтты, деп хабарлайды Egemen.kz.

Түркістан облысы дауыс беруден көш бастады

«Облыстардың, республикалық маңызы бар қалалардың және астананың аумақтық комиссиялары ұсынған деректерге сәйкес, астана уақытымен сағат 18.00-де өңірлердегі азаматтардың келуі мынадай: Ақмола облысы – 69,07, Ақтөбе облысы – 55,09, Алматы облысы – 68,1, Атырау облысы – 62,45, Батыс Қазақстан облысы – 65,49, Жамбыл облысы – 68,1, Қарағанды облысы – 73,31, Қостанай облысы – 71,07, Қызылорда облысы – 75,02, Маңғыстау облысы – 59,14, Павлодар облысы – 72,88, Солтүстік Қазақстан облысы – 73,12, Түркістан облысы – 78,24, Шығыс Қазақстан облысы – 72,76, Нұр-Сұлтан қаласы – 53,87, Алматы қаласы – 29,82, Шымкент қаласы – 69,55 пайыз. Жалпы, республика бойынша 7 624 641 азамат бюллетень алды. Бұл - тізімге енгізілген азаматтардың 65,04 пайызы», деді Шавхат Өтемісов.

Орталық референдум комиссиясы ел тұрғындарының сайлау учаскелеріне келуіне қатысты келесі деректі сағат 20.00-де ұсынады.