![Ұлттық жобаларды қаржылық мүмкіндіктерге сәйкестендіру керек – Наталья Годунова](/media/2022/06/20/220620110507794e.jpg)
«2021 жыл мемлекеттік жоспарлау жүйесінің өзгеруімен есте қалды. Мемлекеттік бағдарламалардан ұлттық жобаларға көштік. Былтыр күзден бастап Үкімет 10 Ұлттық жобаны іске асыруға кірісті. Оның бәрінде бюджеттік қаржыландыруға басымдық берілді. Өкінішке қарай, ол жоспар орындалмады. Жобалардың 43 пайызы жеткілікті қаржыландырылған жоқ. Ал ең негізгі мәселелерді тиімді шешу үшін толық көлемде қаржыландыру қажет. Сондықтан Ұлттық жобаларды түзетіп, қаржылық мүмкіндіктерге сәйкестендіру керек. Білуімізше, Үкімет бұл жұмысты бастап та кетті», деді Наталья Годунова Парламенттің бірлескен отырысында.
Сондай-ақ ол Ұлттық жобалардың игілігін халыққа қалай жылдам жеткізуге болатынын атады.
«Ұлттық жобалар іске асуы мүмкіндігінше қысқа мерзімге межеленуі керек. Сонда ғана онда қарастырылған шаралар бизнес пен халыққа жылдам жетеді. Типтік шешімдерден бөлек, бүкіл ел аумағында аймақтарға байланысты әлеуметтік және әкімшілік нысандардың 1 шаршы метрін салуға кететін шығынның лимитін бекіту қажет. Бұл бөлінген ақшаға көбірек нысан салуға мүмкіндік береді», деді Есеп комитетітің басшысы.