Қазақстан желілік дайындық индексі бойынша ТМД елдерін басып озды

Дүниежүзілік экономикалық форумның (ДЭФ) жариялаған есебіне сәйкес, Қазақстан желілік дайындық индексі бойынша 148 елдің ішінде 38-ші орынға ие болды. 2013 жылмен салыстырғанда рейтингтік көрсеткіште 5 сатыға жоғарылап, ТМД мемлекеттері арасында ең жоғары көрсеткішке қол жеткізді. Қазақстанның алдында 37-ші орынға Кипр мемлекеті, ал 39-шы орынға Латвия мемлекеті орналасқан. Ресей болса аталған көрсеткіш бойынша 50-ші орынға тұрақтады. 2014 жылғы ДЭФ рейтин­гі­сін­­де Финляндия, Сингапур, Шве­ция мемлекеттері көш бас­­тап тұр. Желілік дайындық ин­дексі елдегі ақпараттық-ком­му­ни­ка­тивтік технологиялардың (АКТ) даму деңгейіне бай­ланысты анықталады және бір­неше көрсеткіштерден құ­ра­лады. Көрсеткіштерге келер болсақ, Қазақстан ұялы байланыс або­ненттерінің саны бойынша 3-ші орынды иеленсе, кең жолақты Интернет желісіне қолжетімділік бойынша 8-ші орында. Ал, ұялы байланыс тарифінің көрсеткіші жөнінен 17-ші орында. «Егемен-ақпарат».