Ауа райы • 26 Маусым, 2022

Ертең еліміздің бірнеше өңірінде 38-41 градус ыстық болады

Қазгидрометтің болжамы бойынша, 27 маусымда еліміздің бірнеше өңірінде ыстық ауа райы сақталады, деп хабарлайды Egemen.kz.

Egemen Qazaqstan

Алматы қаласында 36 градус қатты ыстық күтіледі.

27 маусымда түнде және таңертең Маңғыстау облысының батысында, солтүстік-батысында, күндіз оңтүстігінде, солтүстігінде, орталығында найзағай шарқылдап, шаңды дауыл күтіледі. Соққан желдің жылдамдығы15-20 м/с жетеді.

Қызылорда облысында жел солтүстік-батыстан, солтүстіктен соғады. Күндіз облыстың орталығында желдің күші 15-20 м/с күтіледі. Күндіз 41 градус қатты ыстық болады. Облыстың басым бөлігінде төтенше өрт қаупі сақталады.

Шығыс Қазақстан облысының шығысында, күндіз солтүстігінде, , орталығында найзағай күтіледі. Күндіз облыстың солтүстігінде, шығысында бұршақ, дауыл күтіледі. Жел оңтүстіктен солтүстік-батысқа ауысады, күндіз облыстың солтүстігінде, шығысында 15-20, екпіні 23 м/с. Kүндіз облыстың оңтүстігінде қатты ыстық 38 градусқа жетеді. Облыстың батысында төтенше өрт қаупі сақталады.

Павлодар облысының оңтүстігінде, шығысында қатты жаңбыр жауады. Солтүстігінде, оңтүстігінде, шығысында, облыс орталығында найзағай, бұршақ, дауыл күтіледі. Солтүстік-батыстан жел соғып, күні 15-20, екпіні 23 м/с жетеді.

Қарағанды облысының солтүстігінде, шығысында найзағай, бұршақ, дауыл күтіледі. Солтүстік-батыстан жел соғады, түнде облыстың солтүстігінде екпіні 15-20 м/с, күндіз облыстың басым бөлігінде күші 15-20, екпіні 23 м/с жел күтіледі. Күндіз облыстың оңтүстігінде 35-38 градус қатты ыстық сақталады.

Ұлытау облысының оңтүстігінде солтүстік-батыстан соққан жел екпіні 15-20 м/с жетеді.

27 маусымда Солтүстік Қазақстан облысының оңтүстігінде, солтүстігінде, шығысында солтүстік-батыстан 15-20 м/с жылдамдықпен жел соғады.

Аяна Тоғанбек

Күннің маңызды және өзекті жаңалықтарын «Егемен Қазақстан» телеграм каналынан оқыңыз