БҰҰ-ның Жаһандық шарты – корпоративтік әлеуметтік жауапкершілік және тұрақты даму саласындағы әлемдегі ең ірі бастама. Ол қазіргі күні әлеуметтік маңызды мақсаттарға қол жеткізу үшін шаралар қабылдауда әлемнің 161 елінен 16 мыңнан астам қатысушы-компанияны біріктіріп отыр.
БҰҰ-ның Жаһандық шарты БҰҰ мен үкіметтер, азаматтық қоғам және жеке сектор арасындағы ынтымақтастық пен әріптестік қатынастарды нығайтуда негізгі рөл атқарады. Осы бастамаға қосылу қатысушы-компаниялардың өз қызметінде адам құқықтары, еңбек қатынастары, қоршаған ортаны қорғау және сыбайлас жемқорлыққа қарсы күрес саласындағы БҰҰ Жаһандық шартының он әмбебап қағидатын, сондай-ақ БҰҰ-ның он жалпыға ортақ қағидаты мен құндылықтарын ілгерілету мақсатында қатысушылардың стратегиялары мен қызметін үйлестіруге және БҰҰ-ның жаһандық қағидаттары мен тұрақты даму саласындағы әлеуметтік мақсаттарға қол жеткізуге арналған шараларды дәйектілікпен енгізуге бейілділігін растайды.
– БҰҰ Жаһандық шартына қосылу компанияның негізгі он қағидатты ұстанатынын және БҰҰ-ның Тұрақты даму саласындағы жаһандық күн тәртібіне, мақсаттары мен бастамаларына қолдау көрсететінін растайды. Тұрақты даму – компанияның Даму стратегиясының ажырамас бөлігі. Оны іске асыру шеңберінде өнеркәсіптік қауіпсіздік, экологиялық және әлеуметтік жауапкершілік, корпоративтік басқару саласындағы ең жоғары халықаралық стандарттарға сәйкес келу үшін корпоративтік тәжірибелерді жетілдіру бойынша тұрақты жұмыс жүргізіледі. Әлемдік жетекші табиғи уран өндіруші және жеткізуші ретінде «Қазатомөнеркәсіп» өз қызметінің негізгі аспектілеріне БҰҰ Жаһандық шартының он қағидатын енгізу жөніндегі жұмысты жалғастырады және тұрақты даму саласындағы үздік әлемдік тәжірибелерді уран өндіру саласында ғана емес, жалпы қазақстандық іскерлік қоғамдастықта да бизнесті жауапты жүргізу стандарттарын ілгерілетуге ықпал ететін болады, – дейді «Қазатомөнеркәсіптің» басқарма төрағасы Мәжит Шәріпов.
«Қазатомөнеркәсіп» – әлемдегі ең ірі уран өндіруші. Топтың саладағы ең ірі резервтік уран базасы бар. «Қазатомөнеркәсіп» еншілес, тәуелді және бірлескен ұйымдармен бірге 14 уран өндіруші кәсіпорынға біріктірілген 26 кен орнын игеруде. Барлық уран өндіруші кәсіпорындар Қазақстан аумағында орналасқан. Компанияның бағалы қағаздары Лондон қор биржасында, «Астана» халықаралық қаржы орталығының биржасында және Қазақстан қор биржасында орналастырылған.
