Өнер • 29 Маусым, 2022

Әдемі әндерімен әйгілі Әсет

24 рет көрсетілді

Қазақтың тамаша композиторының бірі Әсет Бейсеуов өткен ғасырдың сексенінші жылдарының бас кезінде Жамбыл облысының меймандос Мойынқұм жерінде бір-екі рет қадірлі қонақ болып қайтқан еді.

Аудандық «Коммунизм таңы» (қазіргі «Мойынқұм таңы») га­зе­тінің фототілшісі, марқұм Қа­ли Тәттібеков түсірген мына су­ретте Әсеттің әдемі бір жаңа әнін Мойынқұмның жез­таңдай ән­шісі атанған, мар­құм Зинакүл Қай­мақо­ваның үйрену сәті бейнеленген. Ол бұрын да композитордың «Ал­тыным», «Армандастар, құр­дастар» жә­не тағы басқа туындыларын на­қы­­шына келтіре орын­дайтын-ды.

Сол жақта микрофонды ұс­тап тұрған аудандық музыка мек­­те­­бінің директоры қызметін атқар­­ған, жергілікті халық ас­паптары оркестрінің дирижері болған, ау­дандық мәдениет бөлімін басқарған оңтүстікқа­зақ­стандық бауырымыз Төре­бек Мәжібаев (кейіннен, яғни тоқсаныншы жыл­дардың аяқ жағында туған өңіріне қоныс ау­дарған), ал Әсекеңнің жанында нотаға көз салып қатар тұрған сан түрлі аспапта керемет ойнайтын шебер музыкант, марқұм Төрехан Нұрманбаев.

Зинакүл 1978-1979 жыл­дарда «Мойын­құм» ән-би ан­сам­блінің құра­мында Мәс­кеу­де, Португалияда өнер көрсе­тіп, лауреат атанған болатын. Сол сияқты Төре­бек пен Төрехан да аталған жерлердегі көрер­мендер ерекше риза болған концерттерге белсене қатысқан еді.

 

Берікбай ҚАДЫҚОВ,

журналист

 

Алматы облысы,

Қарасай ауданы

Соңғы жаңалықтар

«Айқайдың» астары

Өнер • Кеше

Байрон ұйығы

Әдебиет • Кеше

Күн гүлі

Таным • Кеше

Ұқсас жаңалықтар