Әли Бектаев Қазақстан маңызды тарихи даму кезеңінде екенін атап өтті. Президент Қасым-Жомарт Тоқаевтың бастамасы бойынша барлық салада кешенді және жүйелі өзгерістер жүргізілуде. Еліміздің саяси жүйесін одан әрі демократияландыру – басты бағыттардың бірі. Реформалардың бәрі ахуалдық тұрғыда емес, стратегиялық сипатқа ие.
«Агроөнеркәсіптік кешенді дамыту, органикалық өнім өндіру және халықты азық-түлікпен қамтамасыз ету – Қазақстандағы басымдықтардың бірі. Қазақстан жаңартылатын және балама энергия көздерінен өндірілетін электр энергиясының жалпы көлеміндегі жаңартылатын энергетика үлесін тұтынатын барлық энергияның кемінде жартысына жеткізуге ниеттеніп отыр», деді сенатор Әли Бектаев.
Офелия Ник өз кезегінде жылы шырайлы қабылдау мен елдер арасындағы екіжақты ынтымақтастық мәселелерін талқылау мүмкіндігі үшін алғысын білдірді.
Тараптар кездесу барысында еліміздің Салық кодексіне қабылданған түзетулерді, оның ішінде инвестициялар көлемі мен мерзіміне және жұмыс орнына байланысты инвесторларды корпоративтік, табыс, жер салығынан және қосымша құн салығынан 10 жылға дейінгі мерзімге босатуға мүмкіндік беретін жайттарды талқылады.
