Жергілікті ПД қызметкерлеріне Сарыкөл кентінде тұратын 44 жастағы ер адамның Сарыкөл ауданының аумағында «скорость» деп аталатын есірткі сақтап, сататыны туралы мәлімет келіп түскен.
«Күдіктінің тұрғылықты мекенжайында жүргізілген тінту барысында 3 дорба ақ түсті ұнтақ, жұмсақ сорғы, ұнтақ оралған 39 қағаз түйіншек, ақ түсті зат салынған 75 дорбаша, zip-пакеттер, түрлі түсті 7 изолента, 5 банк картасы, 4 ұялы телефон мен 1,5 млн теңге тәркіленді», деді ҚР Ішкі істер министрлігінің өкілі Шұғыла Тұрлыбек ведомствоның онлайн брифингісінде.
Күдікті уақытша ұстау изоляторына қамалды.
