Елімізде тұратын өзге ұлт пен ұлыс өкілдерінің қазақ тілін үйренудегі қадамдарына сүйсінуге болады. Себебі, соңғы жылдары мемлекеттік тілді үйренушілердің қатары молайып келе жатқанына жиі куә болып жүрміз. Д.Серікбаев атындағы Шығыс Қазақстан мемлекеттік техникалық университетінде «Тіл – достықтың кепілі» атты жоғары оқу орындарының студенттері арасында мемлекеттік тілді білуден өткен байқау барысында өскелең ұрпақтың қазақ тіліне деген биік құрметін тағы да аңдадық. Тілдерді дамыту басқармасы ұйымдастырған байқаудың ерекшелігі, сынға түскен топтардың барлық мүшелері – өзге ұлт өкілдері.
Өңіраралық ынтымақтастықты дамыту аясындағы облыс әкімінің жүлдесі үшін болған тартысқа Алматы, Қарағанды, Павлодар және Шығыс Қазақстан облыстарының командалары қатысты. Команда мүшелерінің бәрі де тәуелсіздігіміздің төл буыны, яғни 1992-1995 жылы туған ұлдар мен қыздар.
Студенттер мемлекеттік тілді меңгеруде жеті тапсырма бойынша сынға түсті. Алғашқы «Сәлемдесу» бөлімінде ШҚМТУ студенттері Алтай асқарын мекендеген бағзы бабалардың биік рухы мен жігерін бейнелеп, «Көк бөрі» тотемінің мәнін ашып көрсете білді. Болашақ кеншілер мен тау-кен инженерлері Р.Морозов, С.Пискарев, А. Храмцов ә дегеннен-ақ тілді таза меңгергендерін байқатты. Олардан Павлодар мемлекеттік педагогикалық университетінің студенттері Т.Онянов, Е.Осипова, Ж.Гладышева да қалыспай, қазақтың жеті атаны білу, бата беру сынды ұлттық дәстүрлерінен ұлағатты сөз қозғады. «Ойлан, тап» атты екінші бөлімде компьютер көмегімен кездейсоқ түскен ұяшықтағы сауалдарға үш минут ішінде жауап беріп, алғырлықтарын көрсеткен сайыста І.Жансүгіров атындағы Жетісу мемлекеттік университетінің тәлімгерлері Э.Курбанов, В.Наймасова, О.Таджиева, Қарағандының Е.Бөкетов атындағы мемлекеттік университетінің М.Парпеева, К.Вороновская, К.Киселева есімді студенттері білгірлік көрсетті.
Құрамында орыс, өзбек, әзербайжан, татар ұлттарының өкілдері бар студенттер сонымен бірге, «Тапқырлық», «Мақал сөздің мұнарасы», «Ұтқыр жауап», «Ол кім, бұл не?», «Өнер табу – өрге шабу» сынды сайыстардан да сүрінбей, қазақ тілін жетік меңгергендерін байқатты. Десе де, бәйгенің аты – бәйге. Мемлекеттік тілді меңгеруде алдына жан салмаған жергілікті команда бас жүлдені, одан кейінгі орындарды алматылық «Жетісу», қарағандылық «Талап» және павлодарлық «Алтын қазына» топтары иеленіп, бағалы сыйлықтармен марапатталды.
Қазылар алқасының төрағасы, өңірдегі «Қазақ тілі» қоғамының вице-президенті Орал Шәріпбаев Шығыс өңірінің барлық бастамалардың басында тұрғанын, оның ішінде мемлекеттік тілді дамыту орайында өңіраралық интеграция мүмкіндіктерін пайдалану қазақ тілінің өрісін кеңейте түсетінін айрықша атап өтіп, мемлекеттік тілді жетік меңгерген студенттерге «Тіл патриоттары» атты төсбелгілер табыс етті.
Думан АНАШ,
«Егемен Қазақстан».
ӨСКЕМЕН.
Өңіраралық ынтымақтастықты дамыту аясындағы облыс әкімінің жүлдесі үшін болған тартысқа Алматы, Қарағанды, Павлодар және Шығыс Қазақстан облыстарының командалары қатысты. Команда мүшелерінің бәрі де тәуелсіздігіміздің төл буыны, яғни 1992-1995 жылы туған ұлдар мен қыздар.
Студенттер мемлекеттік тілді меңгеруде жеті тапсырма бойынша сынға түсті. Алғашқы «Сәлемдесу» бөлімінде ШҚМТУ студенттері Алтай асқарын мекендеген бағзы бабалардың биік рухы мен жігерін бейнелеп, «Көк бөрі» тотемінің мәнін ашып көрсете білді. Болашақ кеншілер мен тау-кен инженерлері Р.Морозов, С.Пискарев, А. Храмцов ә дегеннен-ақ тілді таза меңгергендерін байқатты. Олардан Павлодар мемлекеттік педагогикалық университетінің студенттері Т.Онянов, Е.Осипова, Ж.Гладышева да қалыспай, қазақтың жеті атаны білу, бата беру сынды ұлттық дәстүрлерінен ұлағатты сөз қозғады. «Ойлан, тап» атты екінші бөлімде компьютер көмегімен кездейсоқ түскен ұяшықтағы сауалдарға үш минут ішінде жауап беріп, алғырлықтарын көрсеткен сайыста І.Жансүгіров атындағы Жетісу мемлекеттік университетінің тәлімгерлері Э.Курбанов, В.Наймасова, О.Таджиева, Қарағандының Е.Бөкетов атындағы мемлекеттік университетінің М.Парпеева, К.Вороновская, К.Киселева есімді студенттері білгірлік көрсетті.
Құрамында орыс, өзбек, әзербайжан, татар ұлттарының өкілдері бар студенттер сонымен бірге, «Тапқырлық», «Мақал сөздің мұнарасы», «Ұтқыр жауап», «Ол кім, бұл не?», «Өнер табу – өрге шабу» сынды сайыстардан да сүрінбей, қазақ тілін жетік меңгергендерін байқатты. Десе де, бәйгенің аты – бәйге. Мемлекеттік тілді меңгеруде алдына жан салмаған жергілікті команда бас жүлдені, одан кейінгі орындарды алматылық «Жетісу», қарағандылық «Талап» және павлодарлық «Алтын қазына» топтары иеленіп, бағалы сыйлықтармен марапатталды.
Қазылар алқасының төрағасы, өңірдегі «Қазақ тілі» қоғамының вице-президенті Орал Шәріпбаев Шығыс өңірінің барлық бастамалардың басында тұрғанын, оның ішінде мемлекеттік тілді дамыту орайында өңіраралық интеграция мүмкіндіктерін пайдалану қазақ тілінің өрісін кеңейте түсетінін айрықша атап өтіп, мемлекеттік тілді жетік меңгерген студенттерге «Тіл патриоттары» атты төсбелгілер табыс етті.
Думан АНАШ,
«Егемен Қазақстан».
ӨСКЕМЕН.
