«Алматы облысы Қарасай әкімшілік құқық бұзушылықтар жөніндегі мамандандырылған ауданаралық сотының қаулысымен «Altyn Orda QazTrade LTD» ЖШС әкімшілік жаупкершілікке тартылып, Әкімшілік құқық бұзушылық туралы Кодкестің 159 бабының 3 бөлігіне сәйкес, монополиялық жоғары бағаны қолдану кезінде алынған монополиялық кіріс 46 976 560 тенге көлемінде тәркілене отырып, 1 424 776 тенге көлемінде айыппұл салынды», делінген хабарламада.
Агенттік ақпаратына сәйкес, бұған дейін Алматы облысы бойынша монополияға қарсы департамент «Altyn Orda QazTrade LTD» ЖШС-не қатысты әкімшілік іс қозғап, материалдарды қарау үшін Қарасай мамандандырылған ауданаралық әкімшілік сотына жіберген.
«2022 жылғы наурызда «Алтын Орда» базарын тексеру қорытындылары бойынша серіктестік қызметінде сауда орындарын күнделікті жалға беруде монополиялық жоғары бағасын белгілеуден және ұстап тұрудан көретін үстеме немесе монополиялық жағдайды теріс пайдалану фактілері анықталған», деп хабарлады ведомстводан.
Қарасай мамандандырылған ауданаралық сотының қаулысы заңды күшіне енген жоқ.
