Елорда • 28 Шілде, 2022

«Инвестмент-18» қаржы пирамидасының ісі қайта қаралды

29 рет көрсетілді

Нұр-Сұлтанның апелляциялық соты «Инвестмент-18» қаржы пирамидасын ұйымдастырушылардың бас бостандығынан айыру мерзімін ұзартты, деп хабарлайды Egemen.kz қалалық соттың баспасөз қызметіне сілтеме жасап.

2022 жылдың 26 ​​сәуірінде А. және Т-ға қаржы пирамидасын құрғаны үшін 7 жыл мерзімге қаражат жинауға байланысты қызметпен айналысу құқығынан айыра отырып, 4 жыл 8 айға бас бостандығынан айыру жазасы тағайындалған.

А. мен Т. қаржы пирамидасын құрып, WhatsApp чаттары арқылы 35-тен аса жәбірленушінің қаражатын тартып, оларға аса ірі көлемде материалдық шығын келтіргені үшін кінәлі деп танылды.

«Апелляциялық сот шешімі бойынша, бірінші сатыдағы соттың Қылмыстық кодекстің 55-бабын дұрыс қолданбауына байланысты («Осы қылмыстық құқық бұзушылық үшін көзделгеннен неғұрлым жеңіл жаза тағайындау») кінәлі адамның жазасы 6 жыл 8 айға дейін ұзартылды.

«Қылмыстық кодекстің 217-бабы 3-бөлігі 2-тармағы санкциясында 5 жылдан 10 жылға дейін бас бостандығынан айыру түріндегі жаза қарастырылған. Яғни, Қылмыстық кодекстің 55-бабы 2-бөлігінің нормаларын ескере отырып (жеңілдететін және ауырлататын мән-жайлар болмаған кезде) кінәліге тағайындалатын жаза санкцияда көзделгеннен төмен болмауы керек еді», делінген хабарламада.

Апелляциялық инстанция үкіммен түзетілді. Сот актілері заңды күшіне енді.

 

Соңғы жаңалықтар

Алматы маңында жер сілкінді

Аймақтар • Бүгін, 10:02

Жас теннисшілермен кездесу

Теннис • Бүгін, 07:47

Жас ғалымның жетістігі

Ғылым • Бүгін, 07:43

Ұқсас жаңалықтар