Ұлы Жеңіс күні мерекесі жақындаған сайын оған арналған игі шаралар легі жалғасуда. Соның бірі – Отан соғысы ардагерлерін Ұлттық ғылыми кардиохирургия орталығы қызметкерлерінің көшпелі тобының арнайы барып құттықтаулары еді.
Мерекеге орай «Сіздер біздің мәңгі жүрегіміздесіздер» деген атаумен өткізіліп жатқан игі бастамада аталған медицина мекемесінің қызметкерлері ардагерлер денсаулығын тексеріп, оларға медициналық кеңестер берді. Сондай-ақ, олар ардагерлерге кардиохирургия орталығының серіктесі «Жеңіс Транссервис» ЖШС-нің демеушілігімен арнайы сыйлықтар ұсынды.
Ұлы Отан соғысы ардагерлерін келе жатқан айтулы мерекелері Жеңіс күнімен шын жүректен құттықтаймыз. Бізге бейбіт өмір сыйлауға себепші болған аталарымызды қалай марапаттасақ та жарасады. Күннен-күнге қатары сиреп келе жатқан бұл жандардың денсаулығына қолдан келгенше осылай медициналық көмек жасалып тұрса, олардың да ғұмырлары ұзағырақ болады деп білеміз. Олардың қанды соғыстағы жанқиярлық ерліктері бізге үлгі болып қала бермек, – дейді шараны ұйымдастырушылар.
Әбдірахман ҚЫДЫРБЕК,
«Егемен Қазақстан».
АСТАНА.
Мерекеге орай «Сіздер біздің мәңгі жүрегіміздесіздер» деген атаумен өткізіліп жатқан игі бастамада аталған медицина мекемесінің қызметкерлері ардагерлер денсаулығын тексеріп, оларға медициналық кеңестер берді. Сондай-ақ, олар ардагерлерге кардиохирургия орталығының серіктесі «Жеңіс Транссервис» ЖШС-нің демеушілігімен арнайы сыйлықтар ұсынды.
Ұлы Отан соғысы ардагерлерін келе жатқан айтулы мерекелері Жеңіс күнімен шын жүректен құттықтаймыз. Бізге бейбіт өмір сыйлауға себепші болған аталарымызды қалай марапаттасақ та жарасады. Күннен-күнге қатары сиреп келе жатқан бұл жандардың денсаулығына қолдан келгенше осылай медициналық көмек жасалып тұрса, олардың да ғұмырлары ұзағырақ болады деп білеміз. Олардың қанды соғыстағы жанқиярлық ерліктері бізге үлгі болып қала бермек, – дейді шараны ұйымдастырушылар.
Әбдірахман ҚЫДЫРБЕК,
«Егемен Қазақстан».
АСТАНА.
