Авиакомпанияның сыйы

«Эйр Астана» авиакомпаниясы Ұлы Отан соғысының ардагерлері мен мүгедектерін Жеңіс мерекесімен құттықтап, оларды ТМД және Қазақстан аумағындағы қаруластарымен кездестіру үшін 2002 жылдан бері тегін тасымалдау ұйымдастыруда. Алайда, әуежай алымдарын ардагерлер өз қалталарынан төлейді. Билеттерді әркім өз қаласындағы сату және брондау орталығынан немесе авикомпанияның агенттігінен +7 (727) 244 44 77 телефонына хабарласып, алуға және брондауға болады. Авиакомпания ұшақтары Қазақстан аумағынан басқа ТМД ішіндегі Мәскеу, Санкт-Петербург, Қазан, Самара, Новосибирск, Омбы, Екатеринбург, Киев, Баку, Душанбе, Ташкент және Бішкек қалаларына рейстер жасайды. Айта кететін жайт, 2010-2013 жылдар аралығында авиакомпания ҰОС ардагерлері мен мүгедектеріне осындай жолмен 5371 билетті тегін берген болатын. «Егемен-ақпарат».