Қоғам • 12 Тамыз, 2022

Алматыда жалған нөмірмен жүрген 218 көлік анықталды

30 рет көрсетілді

Алматы полиция департаментінің бастығы Арыстанғани Заппаров «Қорғау – қауіпті жүргізуші» автоматтандырылған жүйесінің жұмысын зерттеді, деп хабарлайды Egemen.kz.

«Күн сайын 800 мыңнан астам автокөлік жүретін ірі мегаполис жағдайында бұл жүйе өзінің тиімділігін көрсетті. Ол жалған мемлекеттік нөмірлік белгілерді пайдаланатын жүргізушілерді, жарыс ұйымдастырып, жүрудің агрессивті стиліне мүмкіндік беретіндерді анықтауға бағытталған. Жалған нөмір, әдетте, бейнебақылау жүйелерін айналып өту үшін, көбінесе қылмыс жасау кезінде қолданылады. Біздің міндетіміз - мұндай фактілерге жол бермеу және осы қатерлі практиканы жою. Саптық полиция бөлімшесі мен ақпараттық технологиялар осындай құқық бұзушылықтарды анықтауға барынша бағытталған», деді Арыстанғани Заппаров.

Алматы полициясы басшысының айтуынша, осы айдың басынан бері қала жолдарында жалған мемлекеттік тіркеу нөмірлік белгілері бар көлік құралын басқарудың 218 фактісі, мемлекеттік тіркеу нөмірлік белгілері жоқ көлік құралын басқарудың 773 фактісі анықталды.

«Сонымен қатар жол қозғалысы ережелерін жүйелі түрде бұзуға жол берген және айыппұл төлеуден жалтарған автокөліктерді ұстау бойынша жұмыстар жүргізілуде. Осы мақсатта біз үлкен әкімшілік айыппұлдары бар көлік құралдарының тізімін жасадық. Мысалы, кеше «ВАЗ-21114» маркалы автокөліктің жүргізушісі ұсталды. Оған 2 миллион 408 мың теңгеден астам сомаға айыппұл тіркелген. Ағымдағы айдың басынан бері 11 миллион теңгеден астам қарызы бар 9 автокөлік мамандандырылған тұраққа қойылды», деп қосты ол.

«Қорғау - қауіпті жүргізуші» жүйесін енгізу басталғаннан бері барлығы 38 мың 824 құқық бұзушылық анықталды, оның ішінде:

  • Жылдамдық режимін жүргізушілердің 33 мың 126 асуы;
  • Техникалық байқаусыз 2 мың 349 көлік құралын басқару;
  • Сақтандыру полисінсіз 2 мың 322 көлік құралын басқару;
  • 83 бұрын көлік құралдарын басқару құқығынан айырылған.

Жүргізілген профилактикалық іс-шаралардың нәтижелері бойынша мамандандырылған тұрақ орнына 1 мың 128 автокөлік қойылып, 485 мемлекеттік тіркеу нөмірлік белгілері тәркіленді.

Соңғы жаңалықтар

Ұқсас жаңалықтар