Оқиға • 14 Тамыз, 2022

Қарағанды ​​облысында бір тәулікте жол апатынан төрт адам қаза тапты

27 рет көрсетілді

Өткен тәулікте Қарағанды облысы жолдарында үш жол-көлік оқиғасы тіркеліп, төрт адам қаза тапты, деп хабарлайды Egemen.kz.

13 тамыз күні түнгі сағат 01:30 шамасында «Ақсу – Аюлы – Ағадыр» тасжолында Ағадыр кентінен 30 шақырым жерде 20 жастағы BMW автокөлігінің жүргізушісі рөлге ие бола алмай аударылған. Жол-көлік оқиғасы салдарынан көліктегі екі жолаушы оқиға орнында қаза тапты.

Сол күні сағат 13:10-да «Қарағанды – Балқаш» тасжолында 42 жастағы Багем автокөлігінің жүргізушісі жолдың қарсы бағытына шығып, 63 жастағы азаматтың басқаруындағы Lexus автокөлігімен соқтығысқан. Екі автокөліктің жүргізушілері әртүрлі дене жарақатымен ауруханаға жеткізіліп, Lexus жүргізушісі сол жерде қайтыс болды.

Сағат 20:11-де «Ялта – Құлайғыр» тасжолында 64 жастағы Toyоta Previa автокөлігінің жүргізушісі, алдын ала болжам бойынша, рөлге ие бола алмай, 39 жастағы азаматтың басқаруындағы Lada Priora автокөлігімен соқтығысқан. Жол-көлік оқиғасынан 49 жастағы Lada Priora автокөлігінің жолаушысы алған жарақаттарынан оқиға орнында қаза тапты. Сондай-ақ Lada Priora автокөлігінің үш жолаушысы, Toyota Previa автокөлігінің жүргізушісі мен бес жолаушысы әртүрлі дене жарақаттарымен ауруханаға жеткізілген.

Барлық фактілер бойынша сотқа дейінгі тергеу амалдары басталды. Тиісті сараптамалар тағайындалды.

Соңғы жаңалықтар

Цифрлық таңбалау жүйесі

Қазақстан • Бүгін, 23:53

Көліктер QR-код тағады

Қазақстан • Бүгін, 23:51

100 ауылда мобильді интернет жоқ

Аймақтар • Бүгін, 23:49

Жол жөнделсе, іске сеп

Аймақтар • Бүгін, 23:44

Алтын күз кенеп бетінде...

Өнер • Бүгін, 23:41

Еліміздің 3 өңірінде қар жауады

Ауа райы • Бүгін, 17:20

Астанада жылу беріле бастады

Елорда • Бүгін, 17:00

Доллар бағамы өсті

Қаржы • Бүгін, 15:52

Ұқсас жаңалықтар