Өнер • 14 Тамыз, 2022

Эрмитаждағы «Балық дүкені»

26 рет көрсетілді

Франс Снай­дерс. Бізге бей­мә­лім су­рет­ші. Ата-тегі – фламанд. Ба­рокко сти­­лінің нақ шебері. Иә, бізді қы­зық­тыр­ған осы өзгеше стиль. Оның кар­­тинасында өмір қайнап жа­тады. Қас-қағым сәт қана емес, бір адамның бар ғұмырынан сыр тартады.

Франс Снай­дерс­тің Эрмитажда орна­лас­қан «Балық дүкені» туын­ды­сы сізді өзінің бай ком­пози­циясымен таңғал­дырмайды. Суретте шын­дыққа сәй­кес келмейтін элемент­тер қосылған. Оларға ортақ нәрсе – тұр­ғылықты мекен, яки су асты әлемі ғана.

Қылқалам шеберінің жұмысы дү­кенде тауар ретінде көрсетілетін әр­түрлі су жануарын бей­не­лейді. Десе де, кар­ти­на­дағы детальдар өзін­дік берілу формасымен ерек. Оның үстіне суреткер ашық қы­зыл түстерді пайдаланған. Торға түскен ба­лық­­тар­дың тағдыры енді ба­­лық­шының қо­лында. Кей­біреуі әлі де тірі жатыр. Шортандар мен шаяндар және лобстер сойылып, дайын тауар ретінде әзірленген.

Бақсаңыз, шұба­лаңқы тау­дың тартымсыз элемент­тері қыз-қыз қай­нап жатқан тіршілікті сұр­қай етіп көрсетеді. Мә­селен, сол жағында ор­на­ласқан үлкен қара ба­лық. Оның арбиған аузы тұтынушы­ны қызық­тырғаннан гөрі қорқы­та­тын секілді. Аяқ­тары жан-жаққа созылған сүй­кімсіз сегізаяқтар да солай.

Дүкеннің төменгі жа­­­ғында балық сау­дасына жарамсыз жануарлар әлемінің өкілдері орналасқан. Онда мөл­шері дельфинге ұқсас миниа­тюралық кит те бар. Қызығы, кенептегі бас­қа «тұрғындарға» қара­ғанда, ол күліп тұрған сияқ­ты. Үлкен қара мөр де қараусыз қалмаған. Кейбір балықтар агрессивті түрде тістерін көрсетеді. Бірақ оны елеген сатушыны кө­ріп тұрған жоқпыз.

Шынында, саудагер­дің өзі көзге аз түседі. Де­генмен мұның себебі бар. Жалпы, Снайдерс өз полотносына адамдарды жазуды ұнатпаған. Оған бұл ретте таныс суретші достары көмекке келеді. Оған дәлел, «Балық дүкені» кар­тинасындағы сатушы. Ол шығарма ішіндегі жарқын компоненттер арасында артық кейіпкер секілді. Оны уағында көрермендер де жақсы бағамдаған.

Соңғы жаңалықтар

COVID-19: Вакцина алғандардың саны артты

Коронавирус • Бүгін, 09:58

Ұқсас жаңалықтар