Спорт • 14 Тамыз, 2022

Жарыс жолынан шығып қалды

24 рет көрсетілді

УЕФА Конференция лигасының іріктеу кезеңінде өнер көрсеткен «Тобыл» мен «Қызылжар» үшінші айналымның алғашқы матчтарында өз қарсыластарына бір ғана доп айырмашылығымен ұтылғаны мәлім. Сол сәтте барша жанкүйер жерлестеріміз кеткен есені қарымта кездесуде қайтарады деп үміттенді. Бірақ олай болмады. Өкінішке қарай, қазақстандық команданың екеуі де жарыс жолынан шығып қалды.

Петропавловскінің «Қызыл­жары» мен Кипрдың АПОЭЛ клубтары арасындағы ойын Нұр-Сұлтанда өтті. Букмекерлер де, басқалары да бұл матчтың фавориті ретінде никосиялық команданы атады. Айтқандай-ақ, бәсеке басынан аяғына дейін қонақтардың басымдығымен өтті. Олар Мирослав Лобанцев қорғаған қақпаны дамылсыз шабуылдады. Абырой болғанда, Лобанцев өте сенімді ойнап, АПОЭЛ футболшыларының есеп ашуына еш мүмкіндік бермеді.

Үзілістен кейін алаң иелерін біраз ес жиғандай болды. Бірақ олар үшін кипр­лықтардың айып алаңына енудің өзі қиын­ға соқ­ты. Ең бір есте қалған сәт – Вале­рий Каршакевичтің баспен ұрған добы маң­­дайшаға тигені. Одан әріге «Қызыл­жар­дың» әлі жетпеді. Есеп – 0:0. Осылай­ша, қос ойынның қорытындысы бойынша жер­лестеріміз жарыс жолынан шығып қалды.

«Тобыл» Босния мен Герце­говинаның «Зриньскиін» қабыл­дады. Бұл матчтың алғашқы ми­нут­тарынан қостанайлықтар тіз­гін­ді өз қолдарына алды. Олар жиі ша­буылдап, қарсы жақтың қақ­пасына бірнеше мәрте қауіп төн­дірді. Соның бірінде гол да соғыл­ды. 34 минутта Марио Чуже есеп ашты. Одан кейін де «Тобыл» қар­қынын бәсеңдеткен жоқ.

Қазақстандық командалар мен футбол­шылардың екінші тайм­да тыныстары тарылып, біл­ген­дерінен жаңылатыны барша жанкүйерге мәлім. Өкінішке қа­рай, бұл жолы да дәл солай болды. Үзілістен кейін «Зриньскидің» ойыншылары еркін ойқастай бас­тады. 53 минутта Зоран Тошич бірнеше қорғаушыны алдап өтіп, Серж Деблеге әдемі пас берді. Ол өз мүмкіндігін қалт жіберген жоқ. Содан кейін де тартысты ойын жалғасты. Қос команда да бәсекені өз пайдасына шешу үшін барын салды. Алайда 80 минутта айып алаңының сыртында допты қолмен тоқтатқаны үшін Александр Мокин қызыл қағаз алды. Осыдан кейін-ақ қо­с­танайлықтардың плей-офф кезе­ңіне шыға алмайтыны анық болды. Нәтижесінде, бұл кездесу 1:1 есебімен тең аяқталып, «Тобыл» аталған жарысты аяқтады.

Сөйтіп, УЕФА Конференция лига­сы­­ның плей-оффына шыққан командалар то­лықтай анықталды.18 және 25 тамыз ара­лығында өтетін сол бәсекелерде мына коман­далар өзара күш сынасады: «Ма­рибор» (Словения) – «Клуж» (Румы­ния), РФШ (Латвия) – «Линфилд» (Сол­түстік Ирландия), «Лех» (Польша) – «Дюделанж» (Люксембург), «Шкупи» (Солтүстік Македо­ния) – «Балкани» (Ко­со­во), «Зринь­ски» (Босния мен Гер­це­го­вина) – «Слован» (Словакия), ЦСКА (София, Болгария) – «Базель» (Швей­цария), «Вадуц» (Лихтенштейн) – «Ра­пид» (Аустрия), «Ракув» (Польша) – «Сла­вия» (Прага, Чехия), АПОЭЛ (Кипр) – «Юргорден» (Швеция), «Маккаби» (Тель Авив, Израиль) – «Ницца» (Фран­ция), «Университатя» (Румыния) – «Хапо­эль» (Беэр Шева, Израиль), «Истанбул Башакшехир» (Түр­кия) – «Антверпен» (Бельгия), «Стяуа» (Румыния) – «Ви­кинг» (Норвегия), «Партизан» (Белград) – «Хам­рун Спартанс» (Маль­та), «Фиорентина» (Италия) – «Твенте» (Нидерланд), «Вильяр­реал» (Испания) – «Хайдук» (Хор­ва­тия), «Кельн» (Герма­ния) – «Фехер­вар» (Мажарстан), «Вест Хэм» (Англия) – «Виборг» (Дания), «Янг Бойз» (Швейцария) – «Андерлехт» (Бельгия), «Словацко» (Чехия) – АИК (Швеция), «Молде» (Нор­ве­гия) – «Вольфсбер­гер» (Аустрия) және АЗ
(Ни­­­дер­ланд) – «Жил Висенте» (Португалия).

Соңғы жаңалықтар

COVID-19: Вакцина алғандардың саны артты

Коронавирус • Бүгін, 09:58

Ұқсас жаңалықтар