Әлемнің 27-ші ракеткасы Елена Рыбакина тұсаукесер кездесуінде Майар Шерифпен шеберлік байқасты. WTA рейтингінде 60-сатыға жайғасқан Мысыр елінің өкілі жерлесімізге лайықты қарсылық көрсете алмады. 1 сағат 12 минутқа созылған сайыс 6:3, 6:2 есебімен аяқталды. Енді Рыбакина әлемнің бұрынғы бірінші ракеткасы Гарбинье Мугурусамен шеберлік байқасады. Кеше түнде Юлия Путинцева америкалық Мэдисон Кизбен күш сынасты. Бұл бәсекенің қалай аяқталғаны жайында газетіміздің ертеңгі санында хабарлаймыз. Сондай-ақ осы турнирге Александр Бублик те қатысуға тиіс еді. Алайда ең соңғы сәтте отандасымыз Цинциннатиге барудан бас тартты.
