Спорт • 17 Тамыз, 2022

«Испания Вуэльтасына» қатысады

38 рет көрсетілді

Ертең велошабандоздар арасындағы ең беделді жарыстардың бірі – «Испа­ния Вуэльтасы» басталады. 24 тәу­­лікке созылатын бәсеке Нидер­ланд­­тың Утрехт қаласынан бастау алып, Испанияның бас шаһары – Мад­­ридте өз мәресіне жетеді. Бұл көп­күн­дікте «Астана» клубы да бақ сынайды.

«Испания Вуэльтасының» 87 жылдық тарихы бар. Алғаш рет ол 1935 жылы ұйым­дас­тырылды. Бұл жарыста ең көп олжаға кенелген – Роберто Эрас Эрнандес. Испа­ниян­ың Саламанка қаласының тумасы 2 000 және 2003-2005 жылдары төрт рет бас жүл­дені олжалады. 2006 жылы Пиреней түбе­гінде «Астана» клубының мүшесі Александр Вино­куровтың керемет өнер көрсеткені барша жанкүйердің жадында. Қазақстандық велошабандоз аталған бәсекенің үш кезеңінде шашасына шаң жұқтырмай, ақыры жалпы есепте бас жүлдені олжалады. Сол маусымда тағы бір отандасымыз – Андрей Кашечкин де асқан шеберлік танытып, үшінші орынды иеленген еді. Сондай-ақ 2008 жылы «Астана­ның» сапында өнер көрсеткен испаниялық легионер Альберто Контадор да қарсыласқа шақ келтірмеді.

2019-2021 жылдары жалауы желбірген соңғы үш жарыс Нидерландта іргетасы қалан­ған «Jumbo-Visma» клубы сапында өнер көрсетіп жүрген 32 жастағы Словенияның саң­лағы Примож Рогличтің айқын жеңісімен аяқ­талды. 2019 жылы ол шешуші тұста Алехандро Вальверде (Испания) мен Тадей Пога­чардан (Словения) озса, 2020 жылы Маркс Солер (Испания) мен Даниэл Мартинді (Ирландия) артқа тастады. Былтырғы маусымда Рогличтен кейінгі орындарды Энрик Мас (Испания) пен Джек Хэйг (Аустралия) иеленді.

Биылғы жылы «Астана» клубының намысын қазақстандық Алексей Луценко, Вадим Пронский, Евгений Федоров, италиялық Винченцо Нибали мен Самуэле Баттистелла, колумбиялық Мигель Анхель Лопес пен Харольд Техада және испаниялық Давид Де Ла Круз сынды сақа спортшылар қорғайды.

Соңғы жаңалықтар

Елордада Astana Marathon-2022 өтеді

Елорда • Бүгін, 12:16

Сомалиде жарылыс болды

Әлем • Бүгін, 10:25

Бүгінгі валюта бағамы

Қаржы • Бүгін, 10:13

Екінші орынға табан тіреді

Спорт • Бүгін, 07:32

Овертаймда жеңді

Хоккей • Бүгін, 07:30

Ұқсас жаңалықтар